Skip to main content

Talent Cymru

  1. Hafan
  2. Cynnwys
  3. Talent Cymru

Grantiau Talent Cymru

Rydyn ni’n cefnogi dynion a merched talentog y byd chwaraeon ledled Cymru drwy grantiau cyllido ac, mewn rhai achosion, amrywiaeth o gefnogaeth gwyddoniaeth a meddygaeth chwaraeon.

Mae Talent Cymru yn grant cyllido gan y Loteri Genedlaethol sy’n helpu athletwyr gyda chostau cystadlu. 

Mae gennym ni draddodiad balch yn Chwaraeon Cymru o gefnogi perfformwyr o safon byd – enwau cyfarwydd fel enillydd y Tour de France Geraint Thomas, y Pencampwr Paralympaidd Aled Sion Davies a’r enillydd medal aur yng Ngemau’r Gymanwlad Natalie Powell.

Ac rydyn ni wedi ymrwymo i helpu sêr y dyfodol fel bod Cymru’n parhau i ddisgleirio ar lwyfan y byd. Nid yn unig mae llwyddiannau chwaraeon Cymru’n codi proffil ein cenedl fechan ni ond hefyd maen nhw’n ysbrydoli ac yn cymell plant a phobl ifanc.

Pwy mae Talent Cymru wedi eu cefnogi?

Lansiwyd Talent Cymru yn 2007 ac ers hynny mae wedi cefnogi llu o athletwyr talentog fel yr enillydd medal aur yng Ngemau’r Gymanwlad Georgia Davies, y bencampwraig bocsio Ewropeaidd Lauren Price, y bencampwraig gwaywffon Baralympaidd Hollie Arnold a beiciwr Tîm Ineos UCI WorldTeam Luke Rowe. Ac mae’r rhestr yn ddiddiwedd ...

Mae’n cefnogi talent y dyfodol ac yn gweithredu fel carreg gamu rhwng SportsAid Cymru ac wedyn naill ai cyllid Llwybr y DU neu Elite Cymru.

Sut i wneud cais 

I wneud cais am grant Talent Cymru, cysylltwchâ’ch corff rheoli.

Bydd eich corff rheoli yn gallu esbonio a ydych chi’n gymwys a hefyd nodi’r meini prawf y mae’n ofynnol i chi eu bodloni ar gyfer eich camp.

Rhaid i athletwyr a gefnogir gan Talent Cymru ddangos bod ganddynt botensial i ymuno â system Llwybr y DU neu fodloni’r meini prawf sy’n ofynnol gan Elite Cymru, yn ddelfrydol o fewn dwy i dair blynedd. 

I weld a ydych chi’n gymwys i gael eich ystyried ar gyfer manteision Talent Cymru, cysylltwch â’ch corff rheoli perthnasol.

Newyddion Diweddaraf - Chwaraeon Perfformiad Uwch

Y pencampwr sboncen iau sy’n breuddwydio am fwy o lwyddiant

Ar ôl cael blas ar fuddugoliaeth yn Rowndiau Cenedlaethol Dan 15 Ieuenctid Prydain yn ddiweddar, mae’r…

Darllen Mwy

Dau dîm cenedlaethol Cymru sy'n anelu at ysbrydoli'r genhedlaeth nesaf

Mae chwaraeon menywod yng Nghymru yn mynd o nerth i nerth mewn penwythnos hollbwysig mewn hanes. Mae…

Darllen Mwy

Helen Ward: Cydbwyso bod yn fam gyda sgorio goliau ar Sul y Mamau

Mae Helen Ward yn credu bod chwaraeon yn symud i'r cyfeiriad iawn o ran delio â beichiogrwydd a bod…

Darllen Mwy