Mae cael digon o arian i dalu’r biliau drwy gydol y flwyddyn yn bwysig i unrhyw sefydliad a dydi eich clwb chi ddim yn wahanol!
Er bod eich clwb yn broffidiol o bosib, os na fydd gennych arian ar ôl, ni fyddwch yn gallu dal ati i weithredu!
Un adnodd i’ch helpu chi i gynllunio ar gyfer cael digon o arian i bara drwy’r flwyddyn yw’r rhagolwg llif arian. Mae cynllunio llif yr arian yn hynod bwysig o ystyried bod y rhan fwyaf o sefydliadau chwaraeon yn dibynnu llawer ar y tymhorau o ran gweithredu, a bydd yn eich helpu i benderfynu a oes gennych chi ddigon o arian ar gael i dalu’r costau ar unrhyw amser penodol.
Pwyntiau i’w hystyried wrth baratoi eich rhagolwg llif arian:
- Dylech seilio eich rhagolwg llif arian ar eich cyllideb flynyddol.
- Rhannwcheichcyllideb yn 12misachofiwchystyriedprydrydychyndisgwylderbynincwmagwneudgwariant.
- Efallai bod y ffioedd aelodaeth yn cael eu talu mewn mis penodol, ond efallai hefyd y bydd misoedd eto cyn y telir y ffioedd.
- Efallai bod rhai cyflenwyr yn rhoi credyd o 30 diwrnod cyn bod rhaid talu.
- Efallai y bydd oedi gyda rhywfaint o wariant nad yw’n hanfodol ar y gyllideb os oes prinder llif arian.
- Cofiwch wneud yn siŵr bod balans penodol yn y banc bob amser ar gyfer unrhyw argyfyngau a all godi, a’ch bod yn cydymffurfio â pholisi arian wrth gefn eich clwb.
Unwaith eto, mae taenlen yn ffordd dda o ddatblygu rhagolwg llif arian. Os ydych chi’n teimlo y byddai templed yn ddefnyddiol, cliciwch yma.