Main Content CTA Title

Ein nod a’n ffordd o weithio

  1. Hafan
  2. Strategaeth Chwaraeon Cymru
  3. Ein nod a’n ffordd o weithio

Ein nod

Bod yn sefydliad arloesol sy’n ei gwneud yn bosibl i chwaraeon ffynnu yng Nghymru – pryd bynnag, ble bynnag, sut bynnag – a hynny am oes.

Rhagoriaeth mewn chwaraeon

Byddwn yn clywed yn aml iawn am achosion lle mae chwaraeon wedi gwella lles, hunanhyder a chymhelliant pobl; bod chwaraeon wedi rhoi'r sgiliau i bobl gyrraedd eu potensial a chyflawni eu nodau; bod chwaraeon wedi dod â chymunedau at ei gilydd a’i fod wedi hyrwyddo Cymru i’r byd drwy ragoriaeth ar y llwyfan byd-eang.

Effaith gadarnhaol

Mae digon o dystiolaeth i gadarnhau’r effaith gadarnhaol y mae cymryd rhan mewn chwaraeon yn ei chael ar ein bywydau – boed hynny drwy gymryd rhan, cefnogi, cyflawni neu lwyddo – ac mae yna bobl ysbrydoledig yn gweithio’n ddiflino ledled Cymru i greu cenedl actif. Dyna pam ein bod ni’n angerddol am ein gwaith ac am y bobl rydyn ni’n gweithio gyda nhw.

Esblygu o hyd

Mae’r byd yn esblygu’n gyson, ac er mwyn i chwaraeon barhau i fod yn berthnasol i bobl yng Nghymru mae angen i ni wneud yn siŵr ein bod yn dal i fyny â’r newidiadau ac yn addasu ein ffordd o weithio. Allwn ni ddim parhau i wneud yr un pethau a disgwyl i bobl barhau i werthfawrogi chwaraeon. Mae angen i ni arloesi a bod yn feiddgar. Mae angen i ni chwalu’r rhwystrau gwirioneddol a’r rhai ymddangosiadol, fel bod chwaraeon a byw bywyd actif yn ddewis hwylus i bawb. Mae angen i ni herio ein hunain i feddwl yn wahanol ac ymddwyn yn wahanol.

Credu mewn newid

Mae Chwaraeon Cymru yn credu mewn newid. Rydyn ni’n credu yn ein partneriaid ac yng ngrym chwaraeon – ac rydyn ni’n barod i roi gwybod i bawb am hynny. Byddwn yn cysoni ein diwylliant, yn atgyfnerthu ein credoau ac yn ysgogi ein hased mwyaf: Pobl.

Ein ffordd o weithio

Cyfleoedd amrywiol

Wyddon ni ddim bob amser beth yw rhesymau pobl dros fod yn actif a chymryd rhan mewn chwaraeon – maent mor amrywiol a chymhleth â bywydau pobl. Dydyn nhw ddim yn aros yr un fath chwaith; maen nhw’n newid dros amser.  Mae angen i ni allu cynnig cyfleoedd amrywiol iawn os ydym am roi cyfle i chwaraeon yng Nghymru ffynnu.

Mae hyn yn golygu symud i ffwrdd o feddwl y gallwn fod yn sicr am y dyfodol, gan gymryd ein bod yn gwybod sut i ysgogi pobl i gymryd rhan mewn chwaraeon a mesur llwyddiant ar sail niferoedd yn unig.

Cael effaith

Yn hytrach, mae angen i ni gasglu tystiolaeth i wella’r hyn rydyn ni’n ei wneud drwy’r amser, a dangos yr effaith rydyn ni'n ei chael. Er bod patrymau penodol y gallwn edrych arnynt a’u gwerthuso i lywio ein gwaith, mae angen i ni dderbyn nad yw’n bosibl i ni fod yn hollol gywir bob tro.

Wrth gydnabod hyn, bydd angen i ni weithio mewn ffordd wahanol iawn. Bydd angen i ni gymryd amser i gynnwys, deall a rhannu syniadau er mwyn i ni allu datblygu cyfleoedd ystwyth ac ymatebol sy'n hwylus ac yn berthnasol i bawb.

Rydyn ni’n esblygu

Mae ein hagwedd at y ffordd rydyn ni’n gweithio, y ffordd rydyn ni’n siarad a'r ffordd rydyn ni’n ymgysylltu yn esblygu. Mae angen i ni ddod yn gyfforddus ag ansicrwydd, a gallu gweithio gyda bwriad clir yn hytrach na chyfarwyddiadau pendant, ac mae angen i ni gael ein harwain gan yr egwyddorion canlynol:

Mae rhesymau pobl dros fod yn actif a chymhellion dros gymryd rhan mewn chwaraeon yn amrywiol iawn. Dydy hi byth yn hollol bosibl rhagweld beth ydyn nhw ac maen nhw’n debygol o newid dros amser.

Rhaid i ni roi pobl wrth galon yr hyn rydyn ni’n ei wneud, gan arwain at gyfleoedd amrywiol a hyblyg i fod yn actif a chymryd rhan mewn chwaraeon – a symud oddi wrth raglenni ‘un peth yn addas i bawb’.

Mae angen i'r cyfleoedd sydd ar gael newid dros amser, gan addasu i'r adborth gan y rhai a hoffai fod yn rhan ohonynt, yn ogystal â'r rhai sy’n cymryd rhan yn barod.

Ein Haddewid

Byddwn yn mynd ati i wneud y pethau hyn:

  • Dysgu gyda'n gilydd - Archwilio, profi ac adolygu’n gyson.
  • Cyflawni gyda'n gilydd - Rhannu canlyniadau, meithrin perthnasoedd agored a gonest, darparu adborth cadarn, gwella perfformiad yn gyson.
  • Dathlu gyda’n gilydd - Cydnabod ein llwyddiant ar y cyd drwy bartneriaid effeithiol.

Drwy wneud y canlynol:

  • Gweithredu gydag uniondeb - Deall a pharchu diwylliant a gwerthoedd ein gilydd. Hyrwyddo cydraddoldeb ac amrywiaeth.
  • Ychwanegu gwerth - Sicrhau’r cyfuniad gorau posibl o gymorth, her, buddsoddiad, sgiliau ac arbenigedd i gyflawni ein canlyniadau cyffredin.
  • Annog arloesedd - Croesawu syniadau a dulliau newydd a chefnogi uchelgais a meddwl ffres. Peidio â bod ofn teimlo'n anghyfforddus.

Cysylltu – Gweithio mewn partneriaeth

Rydyn ni’n cydnabod ac yn gwerthfawrogi’n llawn y rhwydwaith cryf a bywiog o bobl a phartneriaid ledled Cymru sydd eisoes yn creu dulliau arloesol o gyflwyno chwaraeon.

#1
Dysgu gyda'n gilydd

Mae gennym gyfle cyffrous nawr i fwrw ymlaen â’r partneriaethau hyn a’u gwella, gan ddysgu gyda'n gilydd a chanolbwyntio ein hymdrechion ar y cyd i gael yr effaith fwyaf bosibl.

#2
Partneriaethau sy'n esblygu

Er mwyn galluogi chwaraeon i ffynnu a chreu cenedl wirioneddol actif, bydd ein hagwedd at ddatblygu partneriaethau’n esblygu fel ein bod ni, gyda'n gilydd, yn gallu ymateb i anghenion a chymhellion pobl a chymunedau, sy'n newid o hyd.

#3
Cyfleoedd i gydweithio

Byddwn yn gwahodd sgyrsiau ac yn cefnogi cyfleoedd gwirioneddol i gydweithio. Byddwn yn gweithio i gysylltu a chefnogi rhwydwaith llawer ehangach a mwy amrywiol o sefydliadau, fel y gallwn gyda'n gilydd alluogi pawb i fwynhau'r holl fanteision cadarnhaol a ddaw yn sgil chwaraeon. Pryd bynnag. Sut bynnag. Am oes.

#4
Pwrpas cyffredin

Y sbardun allweddol i’n gwaith gyda phob partner fydd datblygu pwrpas cyffredin y mae pawb yn cytuno arno sy’n cyd-fynd â’r Weledigaeth ar gyfer Chwaraeon. Mae ein dull gweithredu’n amlinellu'r hyn y gall pob partner ei ddisgwyl wrth weithio gyda ni.  Rydyn ni’n cydnabod y bydd pob partner yn gwneud ei gyfraniad unigryw ei hun ac y bydd ganddynt wahanol anghenion. Byddwn ninnau’n cytuno ar becyn cymorth pwrpasol i ddiwallu’r anghenion hynny.

#1
Dysgu gyda'n gilydd

Mae gennym gyfle cyffrous nawr i fwrw ymlaen â’r partneriaethau hyn a’u gwella, gan ddysgu gyda'n gilydd a chanolbwyntio ein hymdrechion ar y cyd i gael yr effaith fwyaf bosibl.

#2
Partneriaethau sy'n esblygu

Er mwyn galluogi chwaraeon i ffynnu a chreu cenedl wirioneddol actif, bydd ein hagwedd at ddatblygu partneriaethau’n esblygu fel ein bod ni, gyda'n gilydd, yn gallu ymateb i anghenion a chymhellion pobl a chymunedau, sy'n newid o hyd.

#3
Cyfleoedd i gydweithio

Byddwn yn gwahodd sgyrsiau ac yn cefnogi cyfleoedd gwirioneddol i gydweithio. Byddwn yn gweithio i gysylltu a chefnogi rhwydwaith llawer ehangach a mwy amrywiol o sefydliadau, fel y gallwn gyda'n gilydd alluogi pawb i fwynhau'r holl fanteision cadarnhaol a ddaw yn sgil chwaraeon. Pryd bynnag. Sut bynnag. Am oes.

#4
Pwrpas cyffredin

Y sbardun allweddol i’n gwaith gyda phob partner fydd datblygu pwrpas cyffredin y mae pawb yn cytuno arno sy’n cyd-fynd â’r Weledigaeth ar gyfer Chwaraeon. Mae ein dull gweithredu’n amlinellu'r hyn y gall pob partner ei ddisgwyl wrth weithio gyda ni.  Rydyn ni’n cydnabod y bydd pob partner yn gwneud ei gyfraniad unigryw ei hun ac y bydd ganddynt wahanol anghenion. Byddwn ninnau’n cytuno ar becyn cymorth pwrpasol i ddiwallu’r anghenion hynny.

Fframwaith Buddsoddi Chwaraeon Cymru

Er mwyn i chwaraeon ffynnu, bydd angen i ni fuddsoddi adnoddau mewn ffordd wahanol.

Byddwn yn cysoni ein hadnoddau cyfunol ac yn dod o hyd i gyfleoedd i gryfhau partneriaethau. Byddwn yn cydweithio i ddatblygu model adnoddau hyblyg. Bydd hyn yn ein galluogi i ddiwallu anghenion gwahanol y partneriaid yn well ac ymateb yn gyflym i heriau newydd.

Byddwn yn defnyddio ein holl adnoddau – buddsoddiad, gwasanaethau a phobl – yn feddylgar, yn gyfrifol a gyda’r budd mwyaf mewn golwg. Yr egwyddorion canlynol fydd yn ein tywys:

  1. Atal
    Cymell gweithredu cadarnhaol i hybu gweithgareddau corfforol rheolaidd i bawb, gan flaenoriaethu grwpiau sy’n cymryd llai o ran na’r cyfartaledd ar hyn o bryd, a chyfrannu at genedl iach, actif, mwy cyfartal a llwyddiannus.
  2. Y tymor hir
    Rhoi anogaeth i feddwl am y dyfodol, arloesi a rheoli risg. Cydbwyso anghenion tymor byr a thymor hir.
  3. Integredig
    Partneriaid yn rhoi tystiolaeth o effaith a manteision ehangach chwaraeon.
  4. Cydweithio
    Annog gweithio mewn partneriaeth a darparu adnoddau ar y cyd.
  5. Cynnwys
    Cynnwys amrywiaeth o bobl wrth gynllunio a datblygu gwaith.

Bwriad Strategol a Chanlyniadau

Gan groesawu'r egwyddor o integreiddio, rydyn ni wedi datblygu chwe datganiad o fwriad strategol gyda chanlyniadau clir. Mae’r canlyniadau sefydliadol hyn, sy’n gweithredu fel ein hamcanion lles, yn dangos beth allwch chi ddisgwyl ei weld o ganlyniad i’n gwaith ar y cyd.

#1
Pwyslais ar y person

Anghenion a chymhellion yr unigolyn fydd yn arwain y ddarpariaeth, boed yr unigolyn hwnnw ond megis dechrau neu'n anelu i ddatblygu ei hun neu gael rhagoriaeth ar lwyfan y byd.

#2
Rhoi cychwyn gwych i bob person ifanc

Mae gan bob person ifanc y sgiliau, yr hyder a’r cymhelliant i’w galluogi i fwynhau a symud ymlaen drwy chwaraeon; gan roi’r sylfaen iddynt fyw bywyd actif, iach a chyfoethog.

#3
Sicrhau bod pawb yn cael y cyfle i fod yn actif drwy chwaraeon

Mae chwaraeon yn gynhwysol ac yn cynnig profiad gwych i bawb.

#4
Dod â phobl at ei gilydd ar gyfer y tymor hir

Mae yna sector chwaraeon cydweithredol, cynaliadwy, amgylcheddol gyfrifol a llwyddiannus, a arweinir gan weledigaeth a dysgu cyfunol.

#5
Dangos manteision chwaraeon

Mae effaith chwaraeon yn cael ei ddangos, ac mae cyrhaeddiad chwaraeon yn cael ei ddeall yn llawn, ei arddangos a’i ddathlu ledled Cymru.

#6
Bod yn sefydliad sy’n cael ei werthfawrogi’n fawr

Mae Chwaraeon Cymru yn sefydliad uchel ei barch sy’n gwneud ei orau glas i orgyflawni drwy ddarparu gwasanaeth rhagorol drwy staff gwerthfawr.

#1
Pwyslais ar y person

Anghenion a chymhellion yr unigolyn fydd yn arwain y ddarpariaeth, boed yr unigolyn hwnnw ond megis dechrau neu'n anelu i ddatblygu ei hun neu gael rhagoriaeth ar lwyfan y byd.

#2
Rhoi cychwyn gwych i bob person ifanc

Mae gan bob person ifanc y sgiliau, yr hyder a’r cymhelliant i’w galluogi i fwynhau a symud ymlaen drwy chwaraeon; gan roi’r sylfaen iddynt fyw bywyd actif, iach a chyfoethog.

#3
Sicrhau bod pawb yn cael y cyfle i fod yn actif drwy chwaraeon

Mae chwaraeon yn gynhwysol ac yn cynnig profiad gwych i bawb.

#4
Dod â phobl at ei gilydd ar gyfer y tymor hir

Mae yna sector chwaraeon cydweithredol, cynaliadwy, amgylcheddol gyfrifol a llwyddiannus, a arweinir gan weledigaeth a dysgu cyfunol.

#5
Dangos manteision chwaraeon

Mae effaith chwaraeon yn cael ei ddangos, ac mae cyrhaeddiad chwaraeon yn cael ei ddeall yn llawn, ei arddangos a’i ddathlu ledled Cymru.

#6
Bod yn sefydliad sy’n cael ei werthfawrogi’n fawr

Mae Chwaraeon Cymru yn sefydliad uchel ei barch sy’n gwneud ei orau glas i orgyflawni drwy ddarparu gwasanaeth rhagorol drwy staff gwerthfawr.