Main Content CTA Title

Cefnogaeth mewn argyfwng i glybiau cymunedol yn cyrraedd bron i £450,000

  1. Hafan
  2. Newyddion, Straeon a Digwyddiadau
  3. Newyddion, Erthyglau ac Ymgyrchoedd
  4. Cefnogaeth mewn argyfwng i glybiau cymunedol yn cyrraedd bron i £450,000

Mae cefnogaeth y Gronfa Cymorth Mewn Argyfwng wedi’i darparu yn awr i 245 o glybiau yng Nghymru yn dilyn y rownd ddiweddaraf o geisiadau cymeradwy. 

Mae cymeradwyo cyllid i 36 o glybiau pellach yr wythnos hon wedi arwain at ddosbarthu £64,446 fel cefnogaeth ar unwaith.           

Mae’n golygu bod £444,823 wedi cael ei roi i glybiau cymunedol yng Nghymru i’w helpu i oroesi baich ariannol y cyfyngiadau symud. 

Hefyd, mae pedwar cais wedi cael eu gohirio yr wythnos hon tra maent yn aros am fwy o wybodaeth neu gadarnhad o gyllid arall gan y Llywodraeth. 

 

Mae Chwaraeon Cymru wedi sicrhau bod £550,000 ar gael drwy gyfrwng y Gronfa Cymorth Mewn Argyfwng tra bo cynlluniau i ddarparu cefnogaeth i chwaraeon ailddechrau’n cael eu llunio’n derfynol. 

Ac mae llawer o glybiau wedi cysylltu er mwyn tynnu sylw at effaith y cyllid. Un sydd wedi cysylltu yw Robert Nash, Ysgrifennydd Clwb Bowlio Cymunedol Gelligaled. Dywedodd:

“Mae’r dyfarniad gawsom ni wedi galluogi i ni sichrau bod taliadau hanfodol, fel yswiriant y clwb ar gyfer ei asedau, yn gallu cael eu talu a’n bod ni’n gallu bod yn fodlon bod y rhan honno o wariant ein clwb ni’n parhau. Mae’n ardderchog bod Chwaraeon Cymru wedi cymryd y camau i ddarparu’r Cyllid Cymorth Mewn Argyfwng yma yn ystod cyfnod mor anodd pryd byddai clybiau fel ein un ni nawr yn chwarae bowls ac yn casglu tanysgrifiadau gan yr aelodau, sy’n chwarae rhan hanfodol mewn creu incwm ar gyfer y clwb i dalu am eitemau hanfodol fel yswiriant clwb. Dim ond drwy sefydliad fel Chwaraeon Cymru fedr clybiau oroesi gobeithio, drwy gyfrwng yr help. Rydyn ni’n eithriadol ddiolchgar.”

Mae mwy o wybodaeth am y meini prawf cymhwysedd, a chwestiynau ac atebion, ar gael ar wefan Chwaraeon Cymru yma. 

Gellir cyfeirio unrhyw gwestiynau neu ymholiadau i [javascript protected email address]

Newyddion Diweddaraf

Cwpan y Byd i Glybiau Cymru: Creu Gêm Well i Ferched

Mae rygbi Cymru yn sicrhau bod merched a genethod yn cael y gofod maen nhw’n ei haeddu.

Darllen Mwy

Mae taith Priya yn dangos sut y gall campfa leol newid bywyd plentyn

O rowlio’n fabi i fflipiau hyderus, mae Priya yn ffynnu yn YMCA y Barri.

Darllen Mwy

Sut achubodd clwb triathlon o Ogledd Cymru freuddwydion Eve

Pan oedd sôn y byddai'n rhaid i glwb triathlon Eve gau, camodd ei chymuned i’r adwy.

Darllen Mwy