Byddai chwaraeon yng Nghymru yn edrych yn wahanol iawn yn sicr heb gyfraniadau'r Loteri Genedlaethol.
Pan fyddwch chi'n prynu tocyn loteri... rydych chi’n cefnogi'r bobl, y cymunedau a'r seilwaith sy'n galluogi chwaraeon yng Nghymru i ffynnu.
I ddweud diolch o galon wrth y Loteri Genedlaethol, rydyn ni eisiau arddangos y gwaith gwych sy’n cael ei gefnogi gan y Loteri Genedlaethol a'i chwaraewyr!
Bob blwyddyn, mae'r Loteri Genedlaethol yn buddsoddi miliynau o bunnoedd mewn chwaraeon yng Nghymru ar lefel strategol ac ar lawr gwlad.
Mae hyn yn cynnwys buddsoddi mewn clybiau cymunedol a helpu athletwyr elitaidd i wireddu eu breuddwydion. Mae arian y Loteri hefyd y tu ôl i rai lleoliadau chwaraeon eiconig yng Nghymru, gan gynnwys Stadiwm y Principality yng Nghaerdydd a'r Pwll Cenedlaethol yn Abertawe.
Eleni, mae arian y Loteri Genedlaethol wedi bod yn allweddol i helpu chwaraeon i oroesi yn ystod y cyfnod clo, parhau'n ddiogel, a chynllunio ar gyfer y dyfodol.
Mae arian y Loteri Genedlaethol wedi bod yn allweddol i helpu chwaraeon drwy'r pandemig. Llwyddodd Chwaraeon Cymru i sefydlu cyllid brys i helpu clybiau a sefydliadau i oroesi’r cyfnod clo, dychwelyd i chwarae'n ddiogel a chynllunio ar gyfer y dyfodol.
Diolch i Gronfa Cymru Actif a brwdfrydedd, caredigrwydd a phenderfyniad llwyr y sector chwaraeon yng Nghymru, mae miloedd o weithwyr chwaraeon ar lawr gwlad a gwirfoddolwyr o glybiau a sefydliadau lleol ledled y DU wedi gallu parhau i helpu'r genedl i ddal ati i fod yn actif, yn hapus ac yn llawn cymhelliant yn ystod pandemig Covid-19.
Mae Chwaraeon Cymru yn ehangu Cronfa Cymru Actif er mwyn helpu i gefnogi hyd yn oed mwy o gymunedau…
Mae Saethyddion Colwyn yn gwybod mwy na'r rhan fwyaf o bobl am effeithiau Covid-19, a dyma pam mae pob…
Mae George Gibb yn cyfaddef ei fod yn bryderus iawn wrth iddo sbecian dros y clawdd ar lawnt Clwb Bowlio…
Yn hanesyddol, mae chwaraeon wedi bod yn bresenoldeb sy’n uno mewn cymdeithas – rhywbeth sy’n gallu…
Mae’r Dirprwy Weinidog Diwylliant, Chwaraeon a Thwristiaeth wedi cyhoeddi pecyn cyllid heddiw [dydd…
Mae chwaraeon yn gweithio fel adnodd yn aml i godi pobl allan o anghydraddoldeb cymdeithasol sy’n llawer…
O gyfarpar diogelu personol i dalu biliau cyfleustodau ac addasu cyfleusterau a gweithgareddau digideiddio – mae Cronfa Cymru Actif wedi helpu mwy na 500 o glybiau ers ei lansio ym mis Gorffennaf 2020.
Mae wedi bod yn achubiaeth o ran galluogi clybiau a sefydliadau i helpu i roi hwb i hyder pobl i ddychwelyd at chwaraeon, ac wedi codi ysbryd cymunedol drwy'r cyfnod anoddaf.
Os ydych chi’n un o'r clybiau neu'r sefydliadau sydd wedi elwa o'r Gronfa - edrychwch ar sut gallwch chi ddweud diolch wrth ei chefnogwyr – y Loteri Genedlaethol a Llywodraeth Cymru.
