Mae dychweliad fesul cam y gwahanol gampau i Ganolfan Genedlaethol Chwaraeon Cymru yng Nghaerdydd wedi dechrau gyda dychweliad grŵp dethol o athletwyr elitaidd.
Yn ystod y misoedd diwethaf, mae llawer iawn o waith cynllunio a pharatoi wedi bod yn digwydd tu ôl i’r llenni rhwng cyrff rheoli chwaraeon cenedlaethol a Chwaraeon Cymru er mwyn creu amgylchedd hyfforddi diogel ar gyfer athletwyr, hyfforddwyr a staff yr athrofa a’r ganolfan.
O wirio tymheredd a sgrinio meddygol i weithdrefnau glanhau gwell a phrotocolau hyfforddi llym, mae’r Ganolfan wedi dechrau ar ei siwrnai tuag at alluogi chwaraeon i ffynnu eto.
Mae gymnastwyr a chwaraewyr sboncen yn ôl yn hyfforddi nawr i baratoi ar gyfer y Gemau Olympaidd a’r Gemau Cymanwlad, gyda chynlluniau’n cael eu creu’n derfynol i ragor o athletwyr elitaidd ddychwelyd yn fuan.
O dan y rheoliadau presennol, mae’n rhaid i’r Ganolfan barhau ar gau ar gyfer pob gwasanaeth a gweithgaredd chwaraeon arall, ond mae’r paratoadau’n parhau er mwyn sicrhau bod y cyfleusterau’n ddiogel ar gyfer pan fydd cyfyngiadau pellach yn cael eu llacio.
Bydd gennym ni ragor o ddiweddariadau cyn gynted â phosib.
Diolch i gyllid drwy Chwaraeon Cymru, mae Ice Cool Kids wedi gallu adnewyddu ei offer oedd wedi mynd…
Gall clybiau chwaraeon yng Nghymru gael cyllid i wella eu cyfleusterau drwy gydol y flwyddyn drwy Le…
Drwy ddefnyddio data Arolwg Chwaraeon Ysgol, mae Hoci Cymru wedi creu cyfleoedd i blant sydd ag anghenion…