Arwain gydag Effaith: Arweinyddiaeth Gynhwysol ar gyfer Chwaraeon yng Nghymru

Am y rhaglen         

Mae Arwain gydag Effaith yn brofiad arweinyddiaeth egnïol, cyfranogol i bobl mewn swyddi dylanwadol ar draws y byd chwaraeon yng Nghymru.

Mae angen arweinwyr ar y byd chwaraeon yng Nghymru sy'n mynd y tu hwnt i'r bocsys ticio. Mae'r rhaglen hon yn ymwneud â newid pendant, parhaol – ynoch chi'ch hun, eich sefydliad, ac ar draws y system.

Drwy ymuno, byddwch yn gwneud y canlynol:

• Wynebu rhagdybiaethau a mireinio eich arweinyddiaeth drwy brofiadau cyfranogol, heriol.
• Cael persbectif ffres gan leisiau amrywiol y tu mewn a'r tu allan i’r byd chwaraeon.
• Cryfhau'r dewrder a'r eglurder i arwain newid gyda hyder ac effaith.

Beth fyddwch chi’n ei brofi 

Nid dysgu goddefol yw hwn - byddwch yn cael eich herio i feddwl, gweithredu ac arwain yn wahanol.

• Cyfranogol ac ymarferol – heriau, senarios a gweithgareddau arweinyddiaeth real.
• Persbectif ffres – straeon beiddgar a syniadau newydd o sectorau eraill.
• Adnoddau ymarferol – strategaethau pendant i newid diwylliant a sbarduno newid real.
• Cefnogaeth gan gydweithwyr – gweithio a dysgu ochr yn ochr â grŵp bach, amrywiol o arweinwyr o'r sector.

Pam cymryd rhan? 

• Twf personol: Mireinio eich arweinyddiaeth i herio a newid y status quo.
• Effaith sefydliadol: Ymgorffori cynhwysiant mewn penderfyniadau, polisïau a diwylliant.
• Newid system: Dylanwadu ar lywodraethu a chanlyniadau ar draws y byd chwaraeon yng Nghymru.
• Rhwydwaith cydweithwyr: Ymuno â chriw bach ac amrywiol a chysylltu ag arloeswyr.
• Gwerth: Buddsoddiad uniongyrchol ynoch chi gan Chwaraeon Cymru.

Ar gyfer pwy mae hwn?

Dylech wneud cais os ydych chi:

• Yn uwch arweinydd, Cadeirydd neu unigolyn sy’n gwneud penderfyniadau allweddol yn y byd chwaraeon yng Nghymru.
• Mewn rôl sydd â'r awdurdod cyfredol i ddylanwadu ar newid.
• Yn unigolyn agored eich meddwl sy’n barod i gael eich herio ac wedi ymrwymo i weithredu.

Byddwn yn dewis criw cytbwys yn seiliedig ar y canlynol:

• Dylanwad a pharodrwydd i weithredu (nid arbenigedd blaenorol).
• Cymysgedd o swyddi a sefydliadau.
• Potensial i gael effaith.

Ymrwymiad Amser a Fformat

Cyfanswm: 5.5 diwrnod wyneb yn wyneb dros 12 i 18 mis, gan gynnwys aros dros nos dair gwaith. 

Nifer yr arweinwyr: Hyd at 15

Gweithdai wyneb yn wyneb:

1. Digwyddiad deuddydd preswyl (24 i 26ain Tachwedd 2025) – Arwain yr Hunan ac Arwain Eraill; yn cyfuno adlewyrchu dwfn gydag adnoddau ymarferol i feithrin hyder, ehangu persbectif, ac arwain yn gynhwysol.
2. Gweithdy 1 diwrnod (Dyddiad i'w gadarnhau 2026) – Arwain Systemau; archwilio sut mae penderfyniadau, llywodraethu a phŵer yn siapio diwylliant, a sut i sbarduno newid ar lefel strategol.
3. Gweithdy preswyl 1 diwrnod (Dyddiad i'w gadarnhau 2026) – O Adlewyrchu i Weithredu; gweithio gyda chyfoedion i fynd i'r afael â heriau real, gwella sgiliau datrys problemau, a gadael gyda chynllun cynhwysiant ymarferol.

Nodyn: Nid oes opsiwn i ymuno â'r rhain ar-lein.

Cefnogaeth barhaus:

• Sesiynau ar-lein
• Partneriaethau cydweithwyr ar gyfer adlewyrchu ac atebolrwydd

Sut i wneud cais?

Cam 1: Gwirio cymhwysedd 

Rhaid i chi: 

• Dal rôl arweinyddiaeth neu wneud penderfyniadau ar lefel genedlaethol mewn sefydliad sy’n cael ei gyllido gan Chwaraeon Cymru.
• Ymrwymo i bob un o ddyddiadau’r rhaglen.
• Bod yn barod i brofi rhagdybiaethau, derbyn her a chymhwyso dysgu
• Cymeradwyaeth fer gan eich Prif Swyddog Gweithredol / Cadeirydd am eich rôl fel arweinydd

Cam 2: Dewis eich fformat

Gallwch gyflwyno eich cais drwy:

• Ffurflen gais ysgrifenedig (uchafswm o 2000 o cymeriadau y cwestiwn)
• Fideo (MP4, uchafswm o 5 munud i gyd)

Cam 3: Cwblhau’r cais      

Gwnewch gais nawr mewn fformat ysgrifenedig.

Gwnewch gais nawr mewn fformat fideo.

Sylwer, bydd elfen ysgrifenedig i'r ddau fformat ymgeisio, er mwyn casglu manylion personol.

Dyddiadau allweddol 

• Ceisiadau ar agor: 29 Medi 2025
• Ceisiadau'n cau: 31 Hydref 2025
• Cadarnhau llefydd: 7 Tachwedd 2025

Cwestiynau? 

E-bostiwch Eleanor Ower ar [javascript protected email address]