Arweinydd Cyfathrebu Corfforaethol

Adran a chyflog

Adran – Cyfathrebu a Digidol

Cyflog – £40,071.33 - £42,925.41 (Graddfa 7)

Oriau Gwaith – 37 awr (bydd ystyriaeth yn cael ei rhoi i rannu swydd / llai o oriau yn unol â'n polisi gweithio hyblyg)

Lleoliad – Caerdydd, Hybrid

Pwy ydym ni

Chwaraeon Cymru yw’r sefydliad cenedlaethol sy’n gyfrifol am ddatblygu a hybu chwaraeon a gweithgarwch corfforol yng Nghymru. Ni yw prif gynghorwr Llywodraeth Cymru ar bob mater yn ymwneud â chwaraeon ac rydym yn gyfrifol am ddosbarthu cyllid y Loteri Genedlaethol. Ein nod ni yw nid yn unig gwella lefel y cymryd rhan mewn chwaraeon ar lawr gwlad, ond hefyd darparu i’n hathletwyr addawol y gefnogaeth ofynnol i gystadlu’n llwyddiannus ar lwyfan y byd.

Mae Cydraddoldeb, Amrywiaeth a Chynhwysiant wrth wraidd popeth rydym yn ei wneud yn Chwaraeon Cymru. Ceir rhagor o wybodaeth am hyn yn ein Datganiad Cydraddoldeb, Amrywiaeth a Chynhwysiant yma.  

Rydym yn gyflogwr blaengar sy'n cynnig buddion rhagorol i gyflogeion ac yn hyrwyddo cydbwysedd bywyd a gwaith iach, gan gynnig amrywiaeth o ddulliau hyblyg i'ch cefnogi chi.  

Mae sgiliau iaith (dwyieithrwydd ac amlieithrwydd) yn nodweddion dymunol ar draws pob rôl yn Chwaraeon Cymru. Rydym yn teimlo’n angerddol am hyrwyddo'r defnydd o'r Gymraeg ac, fel rhan o'n rhaglen ddatblygu, rydym yn rhoi cyfle i bawb ddysgu Cymraeg os ydynt yn dymuno gwneud hynny, gan gynnig rhaglenni dysgu o lefel dechreuwr hyd at lefel rhugl.  

Mae Chwaraeon Cymru yn cofleidio dull cyfun o weithio, lle byddwch yn gallu rhannu eich amser rhwng y swyddfa a’r cartref. 

Mae gyrfaoedd Chwaraeon Cymru yn cael eu cyllido gan Lywodraeth Cymru a’r Loteri Genedlaethol. Mwy o wybodaeth am berthynas Chwaraeon Cymru gyda’r Loteri Genedlaethol.

Sut byddwch chi'n cyfrannu

Mae hwn yn gyfle cyffrous mewn rôl newydd sbon i greu gwir effaith o fewn tîm Cyfathrebu a Digidol prysur yn Chwaraeon Cymru. Gyda chyfoeth o brofiad o ddarparu cefnogaeth gyfathrebu i weithrediadau busnes ehangach, byddwch yn dod yn ffynhonnell uchel eich parch o arweiniad, gan gynghori ar draws amrywiol swyddogaethau'r sefydliad, a datblygu a rheoli'r broses o gyflwyno cynlluniau cyfathrebu ac ymgysylltu sy'n ychwanegu gwerth at brosiectau sefydliadol allweddol. 

Gyda sgiliau dylanwadol cryf a gallu clir i weithredu strategaeth gyfathrebu a monitro llwyddiant, byddwch yn gweithio'n agos gyda'r Rheolwr Cyfathrebu gan ddarparu cynnig cyfathrebu amlddisgyblaethol, arloesol ac esblygol. Gan weithio ar draws pob elfen o'r ddisgyblaeth gyfathrebu, byddwch yn chwarae rhan arweiniol wrth wella a datblygu ein dulliau ar draws yr holl weithgarwch. 

Gyda sgiliau trefnu a chydlynu rhagorol, byddwch yn helpu i sicrhau bod yr allbwn ar draws holl sianeli Chwaraeon Cymru yn cyflwyno naratif cyson ac amserol. Byddwch yn ysgwyddo cyfrifoldeb am reoli Cynorthwywyr Cyfathrebu'r sefydliad, cydlynu eu rhaglenni gwaith a chefnogi eu datblygiad personol.

Gyda phwy fyddwch chi'n gweithio

Byddwch yn aelod dylanwadol o'r tîm Cyfathrebu a Digidol a byddwch yn gweithio ar draws pob adran yn Chwaraeon Cymru yn ogystal â chefnogi gwaith ein partneriaid. Byddwch yn gyfforddus yn gweithio ar bob lefel ac yn cynghori'r unigolion mewn swyddi Gweithredol yn hyderus.

Byddwch yn gyfrifol am reoli contractau gydag asiantaethau a chyflenwyr allanol, gan sicrhau eu bod yn bodloni briffiau prosiect i amserlenni y cytunwyd arnynt.

Byddwch yn creu cysylltiadau ar draws y sector a thu hwnt ac yn gyfforddus yn gweithio gyda chydweithwyr o sefydliadau tebyg ar brosiectau gwaith ar y cyd.

Byddwch yn defnyddio eich gwybodaeth a'ch angerdd i gefnogi a chynghori cydweithwyr wrth ddefnyddio gweithgareddau cyfathrebu i gyflawni amcanion sefydliadol. Lle bo hynny'n briodol, byddwch hefyd yn rhannu eich gwybodaeth gyda phartneriaid i gefnogi eu dull o gyfathrebu.

Beth fydd arnoch ei angen

Gyda phrofiad sylweddol o weithio ym maes cyfathrebu, byddwch yn awyddus i ddefnyddio eich sgiliau a rhannu eich gwybodaeth, gan fod yn angerddol am y gwerth y gall gweithgarwch cyfathrebu ei gyfrannu at sefydliad. Rydym yn chwilio am rywun a all ddylanwadu, trafod a datblygu cynlluniau sy'n canolbwyntio ar atebion i ddiwallu anghenion y sefydliad yn y ffordd orau, gan ddarparu canlyniadau rhagorol ar draws y busnes.

Bydd angen i chi fod â phrofiad clir o ddefnyddio gwybodaeth gymhleth i greu cynnwys cadarn sy'n addas ar gyfer amrywiaeth eang o randdeiliaid, a bod yn angerddol am ddefnyddio gwybodaeth a dysgu i esblygu ein dull o weithredu.

Bydd angen i chi fod yn barod ar gyfer yr her sy'n rhan o fod yn aelod o dîm mewnol bach ond prysur. Mae hwn yn gyfle gwych i weithio ar draws sawl platfform, gyda sawl rhanddeiliad, gan ddefnyddio eich creadigrwydd a'ch sgiliau i wneud byd o wahaniaeth i bobl yng Nghymru.

Beth sy'n digwydd nesaf

Dylech ddarllen y disgrifiad swydd llawn (cofiwch nad ydym yn derbyn CV). 

Gallwch wneud cais am y rôl yma nawr.

Os oes arnoch chi angen unrhyw gymorth i wneud cais am y rôl yma, anfonwch e-bost i [javascript protected email address] / [javascript protected email address]

Dyddiad Cau

27/06/2025 9am

Dyddiau dros dro y cyfweliad

15/16fed Gorffennaf 2025

Disgrifiad swydd llawn

Yn atebol i

Rheolwr cyfathrebu

Yn gyfrifol am

Cynorthwywyr cyfathrebu

Pwrpas y swydd

Mae hwn yn gyfle cyffrous, mewn rôl newydd sbon, i greu gwir effaith mewn tîm Cyfathrebu a Digidol prysur.

Yn y rôl hon, byddwch yn sicrhau bod y gweithgarwch cyfathrebu’n cefnogi gweithrediadau ehangach, gan wella enw da a chreu effaith yn erbyn blaenoriaethau drwy ddod yn ffynhonnell uchel ei pharch o gyngor ac arweiniad ar draws pob lefel o'r sefydliad. Byddwch yn ychwanegu gwerth at brosiectau niferus drwy ddatblygu a rheoli'r broses o gyflawni cynlluniau cyfathrebu ac ymgysylltu.

Byddwch yn gweithio'n agos gyda'r Rheolwr Cyfathrebu i ddarparu cynnig cyfathrebu amlddisgyblaethol, arloesol ac esblygol i gefnogi'r sefydliad a'i amcanion, gan fonitro perfformiad yn barhaus a cheisio datblygu a gwella ein dulliau o weithredu ar draws yr holl weithgarwch.

Byddwch yn helpu i sicrhau bod yr allbwn ar draws holl sianeli Chwaraeon Cymru yn cyflwyno naratif cyson ac amserol gan gefnogi'r Uwch Arweinydd Cyfathrebu i gynllunio cynnwys ar draws sianeli niferus a chydlynu eraill yn y tîm i gyflawni yn erbyn hyn. Byddwch yn cefnogi cynhyrchu'r cynnwys hwn drwy ddatblygu a chreu cysylltiadau newydd yn fewnol ac ar draws y sector.

Byddwch yn ysgwyddo cyfrifoldeb am reoli Cynorthwywyr Cyfathrebu'r sefydliad, cydlynu eu rhaglenni gwaith a chefnogi eu datblygiad personol.

Byddwch yn aelod pwysig o adran gyfathrebu a digidol brysur a bydd disgwyl i chi gyfrannu at ystod eang o brosiectau gan ddefnyddio amrywiaeth o ddulliau cyfathrebu, gan gefnogi cydweithwyr lle bo angen.

Prif ddyletswyddau

Cynghori ar draws y sefydliad ar bob lefel, gan gynnwys unigolion mewn swyddi Gweithredol, ar ble byddai gweithgarwch cyfathrebu yn briodol, sut gallai ychwanegu gwerth, ac ar y camau gweithredu priodol.

Gweithio ar draws y sefydliad i ddatblygu a rheoli'r broses o gyflwyno cynlluniau cyfathrebu, marchnata ac ymgysylltu i gefnogi blaenoriaethau busnes a phrosiectau sefydliadol.

Cefnogi'r Rheolwr Cyfathrebu ar weithredu'r strategaeth gyfathrebu, gan weithio gydag asiantaethau allanol i fonitro perfformiad yn barhaus a datblygu ein dull o weithredu gyda gwahanol sianeli.

Gweithio gyda'r Uwch Arweinydd Cyfathrebu wrth gynllunio holl gynnwys Chwaraeon Cymru gan sicrhau bod yr allbwn ar draws holl sianeli Chwaraeon Cymru yn cyflwyno naratif cyson ac yn cefnogi enw da cyffredinol ac amcanion busnes.

Mabwysiadu rôl gydlynu gyda Swyddogion Cyfathrebu a Chynorthwywyr Cyfathrebu i gyflwyno cynnwys yn unol â chynlluniau.

Gweithio ar draws y sefydliad a'r sector yn chwilio'n rhagweithiol am syniadau newydd i gynhyrchu cynnwys o safon, fel rhan o gynllun cynnwys ehangach, gan sicrhau bod modd ei ddefnyddio ar draws amrywiaeth o lwyfannau, a'i fod yn cefnogi negeseuon allweddol y sefydliad.

Rheoli asiantaethau creadigol ar brosiectau allweddol Chwaraeon Cymru a sicrhau eu bod yn cyflwyno cynnwys ac asedau cyfathrebu manwl gywir sy'n procio’r meddwl.

Rheolwr llinell ar ddau Gynorthwy-ydd Cyfathrebu.

Gweithio gyda'r tîm dirnadaeth i becynnu negeseuon, gwybodaeth a data allweddol yn gynnwys difyr a fydd yn annog pobl i feddwl yn wahanol am chwaraeon a Chwaraeon Cymru.

Mabwysiadu rôl gydlynu ar gyfer digwyddiadau corfforaethol Chwaraeon Cymru a darparu cyngor ar draws y sefydliad ar gyfer digwyddiadau llai a digwyddiadau lefel prosiect.

Cefnogi cysylltu â'r cyfryngau, trin ymholiadau sy'n dod i mewn, paratoi ymatebion, briffio llefarwyr, a chyhoeddi datganiadau.

Cefnogi’r rheolaeth ar ein sianeli cyfryngau cymdeithasol lle bo angen.

Gweithio ar draws y sector gan gynnig cefnogaeth a chyngor i weithwyr cyfathrebu proffesiynol a helpu eraill i ddeall y rôl bwysig y gall cyfathrebu ei chwarae wrth gefnogi chwaraeon yng Nghymru.

Cefnogi'r Rheolwr Cyfathrebu ar weithgarwch cyfathrebu gyda Llywodraeth Cymru, cyrff noddedig, cyrff rheoleiddio a sefydliadau eraill yn y sector cyhoeddus gan chwarae rhan weithredol wrth nodi cyfleoedd ar gyfer negeseuon a chydweithredu a rennir.

Monitro a nodi materion sydd â'r potensial i achosi niwed sylweddol i enw da a, lle bo angen, cymryd yr awenau wrth eu rheoli ar lefelau strategol a thactegol.

Cymryd rhan mewn rota ar alwad sy'n cynnig cefnogaeth cyfathrebu y tu allan i oriau gwaith. Bydd hyn yn cynnwys trin ymholiadau perthnasol gan y cyfryngau yn ogystal â monitro a nodi materion sydd â'r potensial i achosi niwed sylweddol i enw da.

Cyflawni cyfrifoldebau sy'n cyfrannu at ddarparu patrwm o wasanaeth i Chwaraeon Cymru mewn perthynas â'n dyletswyddau statudol, gan gynnwys Llesiant Cenedlaethau'r Dyfodol (Cymru), Cydraddoldeb, Diogelwch Gwybodaeth, Rheoli Risg, Diogelu, Rheoleiddio Ariannol ac Iechyd, Diogelwch a'r Amgylchedd.

Gweithio'n hyblyg, gan gyflawni unrhyw ddyletswyddau eraill yn ôl yr angen, lle bo hynny'n berthnasol i'r swydd ac yn briodol i'r raddfa.

Ein gwerthoedd

Mae ein dull o weithredu i alluogi chwaraeon yng Nghymru i ffynnu yn esblygu. Rydym wedi ymrwymo i herio ein hunain yn barhaus i wneud y canlynol:  

Dysgu Gyda’n Gilydd - Archwilio, profi ac adolygu yn gyson.              

Cyflawni Gyda’n Gilydd - Rhannu canlyniadau, meithrin perthnasoedd agored a gonest, darparu adborth cadarn, gwella perfformiad yn gyson.       

Dathlu Gyda’n Gilydd - Cydnabod ein llwyddiannau a rennir drwy bartneriaid effeithiol. 

Drwy wneud y canlynol: 

Gweithredu’n Ddidwyll - Deall a Pharchu diwylliant a gwerthoedd ein gilydd. Hybu cydraddoldeb ac amrywiaeth. 

Ychwanegu Gwerth - Sicrhau’r gymysgedd orau bosib o gefnogaeth, her, buddsoddiad, sgiliau ac arbenigedd i gyflawni ein canlyniadau a rennir.

Annog Arloesi - Croesawu syniadau a dulliau gweithredu newydd a chefnogi uchelgais a meddwl o’r newydd. Peidio ag ofni teimlo’n anghyfforddus.

Manyleb y person