Sylfeini 360

Mae Sylfeini 360 yn adnodd adlewyrchu digidol am ddim i helpu clybiau a sefydliadau chwaraeon ledled Cymru i greu'r amgylcheddau gorau posibl i blant 3 i 11 oed fwynhau gweithgarwch corfforol a chwaraeon.

Mae'n cefnogi Fframwaith Sylfeini Cymru, gan eich helpu i adlewyrchu ar dair egwyddor graidd:

• Diogelwch a Pherthyn
• Mwynhad a Chyfranogiad
• Datblygiad a Hyder

Canlyniad: Darlun clir o sut mae eich clwb yn teimlo i blant, hyfforddwyr a gwirfoddolwyr – a chamau ymarferol i ddal ati i wella.

Beth yw Sylfeini 360?

Mae Sylfeini 360 yn:

• Platfform ar-lein syml a hyblyg ar gyfer hunanadlewyrchu
• Datblygiadol – yn canolbwyntio ar welliant parhaus, nid ticio bocsys
• Cyfannol – yn casglu gwybodaeth gan bwyllgorau clybiau, hyfforddwyr a phlant

Yn seiliedig ar eich ymatebion, byddwch yn derbyn adroddiad sy'n gwneud y canlynol:

• Tynnu sylw at eich cryfderau fel clwb
• Nodi meysydd i'w datblygu
• Eich cyfeirio at adnoddau perthnasol i'ch helpu i weithredu

Sut bydd yn helpu fy nghlwb?

Mae Sylfeini 360 wedi'i adeiladu o amgylch profiadau real:

• Sut beth yw bod yn rhan o'ch clwb
• Sut mae plant yn ymgysylltu ac yn cymryd rhan
• Sut mae hyfforddwyr yn cael eu cefnogi i dyfu

Gallwch ddefnyddio'r canlyniadau i wneud y canlynol:

• Siapio cynlluniau a blaenoriaethau eich clwb
• Rhannu cynnydd gyda'ch pwyllgor a'ch tîm hyfforddi
• Gweithio gyda'ch tîm datblygu chwaraeon lleol neu swyddog CRhC ar gynllun gweithredu

Rydym yn argymell ailedrych ar yr adnodd yn flynyddol i dracio eich cynnydd dros amser.

Ar gyfer pwy mae’r adnodd?

Mae Sylfeini 360 ar gael am ddim i’r canlynol:

• Pob clwb a sefydliad chwaraeon yng Nghymru
• Pobl sy’n gweithio gyda phlant 3 i 11 oed

Gall aelodau'r pwyllgor, hyfforddwyr a phartneriaid (e.e. swyddogion CRhC) gyfrannu i gyd at adeiladu'r darlun llawn.

Sut mae'n gweithio?

1. Sefydlu cyfrif eich clwb 
   Mae Sylfeini 360 yn rhedeg ar Brightspace, platfform ar-lein diogel Chwaraeon Cymru.
2. Dewis beth i ganolbwyntio arno 
   Cwblhewch y gyfres lawn o gwestiynau, neu dewiswch themâu penodol yn dibynnu ar eich rôl neu ddiddordebau.
3. Adlewyrchu, trafod a chwblhau 
   Defnyddiwch y cwestiynau i arwain trafodaeth mewn cyfarfodydd pwyllgor neu hyfforddi.
4. Derbyn eich adroddiad a'r camau nesaf
   Lawrlwythwch adroddiad eich clwb, archwilio’r adnoddau sy’n cael eu hawgrymu a phenderfynu ar eich blaenoriaethau.

Faint o amser fydd hyn yn ei gymryd?

Mae Sylfeini 360 wedi'i gynllunio i gyd-fynd â bywyd prysur clybiau:

• Gellir cwblhau pob adran mewn tua 10 munud
• Gallwch gymryd mwy o amser i drafod y cwestiynau yn fanwl
• Gallwch arbed eich cynnydd a dychwelyd yn nes ymlaen

Barod i ddechrau arni?

I sefydlu cyfrif eich clwb, anfonwch e-bost i: sportwales.brightspace@sport.wales

Cofiwch gynnwys:

• Enw cyswllt
• E-bost cyswllt
• Enw'r clwb

Unwaith bydd eich cyfrif wedi'i greu, byddwch yn derbyn manylion mewngofnodi a gallwch ddechrau defnyddio Sylfeini 360 gyda'ch clwb.