Skip to main content

Clybiau Pêl Droed yn goresi diolch i’r gronfa cymorth mewn argyfwng

  1. Hafan
  2. Newyddion, Straeon a Digwyddiadau
  3. Newyddion, Erthyglau ac Ymgyrchoedd
  4. Clybiau Pêl Droed yn goresi diolch i’r gronfa cymorth mewn argyfwng

I Glwb Pêl Droed Dinas Llanelwy, roedd Covid-19 yn un trychineb ar ôl y llall. Ym mis Chwefror, roedd y cae dan ddŵr ar ôl i Afon Elwy orlifo ei glannau. Fe fu llifogydd mawr yn yr ystafelloedd newid, y gegin a’r storfa hefyd. 

“Fe gafodd storm Ciara effaith ddinistriol ar ein caeau a’n cyfleusterau ni,” esboniodd John Roberts o’r clwb. “Er bod y mwd a’r gwaddod wedi’u symud o’n cae ni, roedd angen gwneud llawer o waith eto er mwyn iddo ddychwelyd i’w gyflwr blaenorol.”

Diolch i Gronfa Cymorth Mewn Argyfwng Chwaraeon Cymru, gyda chefnogaeth Llywodraeth Cymru, mae’r gwaith yma wedi cael ei gwblhau bellach.

Y cae yng Nghlwb Pêl Droed Dinas Llanelwy ar ôl Storm Ciara
Y cae yng Nghlwb Pêl Droed Dinas Llanelwy ar ôl Storm Ciara


Yn y cyfamser, mae clybiau pêl droed eraill ledled Cymru – ar ôl wynebu anawsterau gyda thalu eu biliau yn ystod y cyfyngiadau symud – yn falch iawn o’r gefnogaeth. 

Roedd Clwb Pêl Droed a Chwaraeon Abergwaun yn llwyddiannus yn ei gais am grant ac mae’n ei ddefnyddio i dalu costau cynnal a chadw’r cae, sy’n cynnwys ailhadu, gwrteithio ac ychwanegu tywod. 

Dyma Owen Duggan i esbonio sut mae Covid-19 wedi effeithio ar sefyllfa ariannol y clwb: Mae hyn wedi gwneud gwahaniaeth enfawr i’n clwb ni, sydd wedi colli tua £4500. Rydyn ni wir yn ddiolchgar i Chwaraeon Cymru am ddosbarthu’r grant yma mor gyflym. Bydd hyn wir yn sicrhau bod dyfodol y clwb yn ddiogel o bersbectif ariannol ac rydyn ni’n aros nawr am ddiwedd y pandemig difrifol yma fel bod y timau i gyd yn gallu mynd nôl allan ar y cae gyda gwên ar eu hwynebau.”

Mae’r gwanwyn a’r haf yn gyfnodau prysur i glybiau chwaraeon ac yn gyfnod pryd mae llawer yn gwneud y rhan fwyaf o’u gwaith codi arian. Er enghraifft, mae Clwb Pêl Droed Penycae, ger Wrecsam, yn creu’r rhan fwyaf o’i incwm rhwng misoedd Mawrth a Mehefin fel arfer.       

“Yn anffodus, oherwydd pandemig y Coronafeirws, fe gafodd yr holl ddigwyddiadau oedden ni wedi’u trefnu eu canslo ac fe gaewyd y clwb,” esboniodd Colin Jackson o’r clwb. “ Rydyn ni’n ffodus ein bod ni wedi gallu canslo neu ohirio llawer o’r biliau misol, oedd yn rhyddhad, ond roedd rhai yr oedd rhaid i ni eu talu.

“Heb unrhyw incwm o gwbl ar hyn o bryd, mae ein cais llwyddiannus ni am grant wedi galluogi i ni dalu’r biliau yma yn ystod y misoedd nesaf diolch byth, heb ein gorfodi i ddefnyddio arian wrth gefn fydd ei angen dros y gaeaf, pan mae’n llawer mwy anodd cynhyrchu incwm.”

Cae Dinas Llanelwy heddiw
Cae Dinas Llanelwy heddiw

Cyllid newydd i helpu i warchod a pharatoi chwaraeon yng Nghymru                    

Roedd Clwb Pêl Droed Dinas Llanelwy, Clwb Pêl Droed a Chwaraeon Abergwaun a Chlwb Pêl Droed Penycae ymhlith mwy na 300 o glybiau a sefydliadau cymunedol sydd wedi rhannu mwy na £600k o Gronfa Cymorth Mewn Argyfwng Chwaraeon Cymru, gyda chefnogaeth Llywodraeth Cymru. 

I helpu i warchod mwy fyth o glybiau a sefydliadau cymunedol ledled Cymru, a galluogi iddynt baratoi ar gyfer cynnal chwaraeon ochr yn ochr â Covid-19, fe fyddwn ni’n cyhoeddi cyllid newydd mawr ddydd Mawrth 7 Gorffennaf. Gwnewch yn siŵr eich bod yn cael yr wybodaeth lawn drwy gofrestru ar gyfer cylchlythyr Cymru Actif

Newyddion Diweddaraf

Y Paralympiad o Gymru Olivia Breen yn dyheu am fwy o fedalau yn Birmingham 2022

Olivia Breen yn edrych ymlaen yn fawr at gynrychioli Cymru yn y Gemau Cymanwlad nesaf

Darllen Mwy

Y Jamie Donaldson nesaf? Golff Cymru yn annog sêr y dyfodol i freuddwydio ar raddfa fawr

Mae’r gobeithion yn uchel bod seren golffio nesaf Cymru rownd y gornel

Darllen Mwy

Cydweithredu yn allweddol i ddatblygu’r genhedlaeth nesaf o hyfforddwyr

 Pan benodwyd Warren Abrahams yn brif hyfforddwr tîm rygbi merched Cymru ym mis Tachwedd 2020,…

Darllen Mwy

Mae casineb yn brifo Cymru

Mae Llywodraeth Cymru wedi lansio ymgyrch newydd sbon i fynd i’r afael â phob math o droseddau casineb…

Darllen Mwy

Stori Arbennig - Diffibrilwyr a Chwaraeon Cymunedol yng Nghymru

Yn ystod haf 2021 gwelwyd y byd chwaraeon yng Nghymru yn cael ei siglo gan farwolaeth dau chwaraewr…

Darllen Mwy

Dathlu treftadaeth chwaraeon wych Cymru

Mae pob camp yn hoffi anrhydeddu ei harwyr o'r gorffennol.Boed yn dimau neu'n unigolion, gall cydnabod…

Darllen Mwy