Mae taith Priya yn dangos sut y gall campfa leol newid bywyd plentyn

Yn ystod Covid, pan oedd yn rhaid i'r clwb gau, sylwodd mam Priya ar wahaniaeth mawr. “Heb unrhyw le i gael gwared ar ei hegni a dilyn trefn gyda'i gymnasteg, roedd hi’n blentyn gwahanol,” eglura. “Yma, mae hi’n cael mewnbwn synhwyraidd, dealltwriaeth garedig ac amyneddgar gan yr hyfforddwyr, a sesiynau wedi’u trefnu mewn amgylchedd diogel,” meddai Michaela. 

Mae hyd yn oed therapyddion galwedigaethol Priya wedi sylwi ar ei chynnydd. Gyda'i chyflwr hi, mae cyrraedd lefel mor uchel o gydbwysedd a chydsymud yn garreg filltir enfawr.

Clwb i bob gallu

Mae Clwb Gymnasteg YMCA y Barri yn croesawu pawb. O fabanod sy'n cropian i blant ifanc sigledig ar eu traed a sgwadiau elitaidd. Mae'r clwb yn cynnal amrywiaeth o sesiynau:

• Dosbarthiadau yn y gampfa i blant bach a phlant cyn ysgol
• Grwpiau cymorth i bobl ag anabledd
• Sgwadiau hamdden ac elitaidd
• Sesiynau dawns a symudiadau

Yn ddiweddar, helpodd cyllid y Loteri Genedlaethol gan Chwaraeon Cymru i drawsnewid y gampfa. Ymysg y gwelliannau mae: 

• Llawr newydd
• Matiau glanio
• Pwll sbwng lliwgar

Dywed Michaela O’Neill, “Mae’r clwb hwn yn wirioneddol bwysig. Nid yn unig mae’n cyrraedd lefelau elitaidd o ran gymnastwyr, mae'n cyffwrdd â chymaint o bobl â gwahanol alluoedd yn ein cymuned. Mae'r cymorth gan y Loteri Genedlaethol yn golygu y gall y clwb gadw costau aelodaeth mor isel â phosibl. Heb YMCA y Barri a'r Loteri Genedlaethol, ni fyddai gan blant yma'r cyfleoedd i ddatblygu gwytnwch, disgyblaeth, na phenderfyniad. Byddai'r cyfan yn diflannu.”

Diolch i’r Loteri Genedlaethol 

Mae'r grant wedi caniatáu i'r clwb ehangu sesiynau, hyfforddi mwy o hyfforddwyr a darparu amgylchedd diogel a chynhwysol i bawb. Mae rhieni'n dweud bod plant yn fwy hyderus, yn hapusach ac yn ffynnu o ran sgiliau a dulliau rhyngweithio cymdeithasol. 

Dyfodol disglair a chynhwysol

Diolch i'r gefnogaeth hon, mae'r gampfa oedd wirioneddol angen ei hatgyweirio ar frys bellach yn ofod bywiog i blant o bob gallu. Mae Clwb Gymnasteg YMCA y Barri yn parhau i sicrhau’r canlynol:

• Cefnogi grwpiau i bobl ag anabledd
• Darparu hwyl ac elfennau dysgu i fabanod a phlant bach
• Meithrin ymgeiswyr gobeithiol Gemau'r Gymanwlad yn y dyfodol

I Priya, mae'r gampfa yn lle i feithrin hyder, teimlo'n rhan o rywbeth arbennig a pharhau i gael breuddwydion uchelgeisiol. 

Ydych chi'n meddwl am helpu plant yn eich cymuned i ffynnu drwy chwaraeon? Fel Clwb Gymnasteg YMCA y Barri, gallai Cronfa Cymru Actif helpu eich clwb i gynnig cyfleoedd i bobl ifanc o bob gallu.