Yn Hwlffordd, mae Janice Morgan, 72 oed, ac Eva Hayes, 67 oed, yn profi nad oes rhaid i heneiddio olygu arafu.
Gan ddefnyddio pwysau o bob math, mae’r ddwy yn cofleidio heneiddio gydag egni ac optimistiaeth fel rhan o gymuned sy'n tyfu mewn sesiynau Heneiddio'n Dda yn Academi Cryfder Cymru.
“Mae gwneud y sesiynau yn Academi Cryfder Cymru wedi rhoi mwy o egni i mi,” meddai Janice. “A nawr, rydw i'n gryfach ac yn fwy ystwyth.”
Nid campfa gyffredin mo Academi Cryfder Cymru. Mae'n achubiaeth gymunedol - yn croesawu pobl o bob oedran a gallu gyda'r uchelgais o godi'r gymuned gyfan.
Ochr yn ochr â'r sesiynau Heneiddio'n Dda ar gyfer pobl dros 60 oed, mae'r gampfa hefyd yn cynnal gweithgareddau ar gyfer y canlynol:
Ond wrth i'r galw gynyddu, felly hefyd yr angen am y canlynol:
Dyna pryd trodd y tîm at Chwaraeon Cymru a'r Loteri Genedlaethol - gan sicrhau mwy na £4,000 mewn cyllid i gryfhau eu cenhadaeth.
Diolch i'r gefnogaeth honno, mae mwy na 200 o bobl yn defnyddio'r gampfa bob wythnos bellach.
“Fe helpodd cyllid y Loteri Genedlaethol ni i hyfforddi ein gwirfoddolwyr i ddod yn hyfforddwyr. Fe wnaeth hefyd ganiatáu i ni brynu offer a gwella lloriau'r gampfa.” - Simon Roach, aelod o bwyllgor Academi Cryfder Cymru.
I Janice, mae'r gampfa wedi dod yn ffynhonnell o gryfder - corfforol a meddyliol. Ar ôl y pandemig, fe ymunodd hi i golli ychydig o bwysau. Nawr, mae hi'n codi pwysau 65 cilo ac yn teimlo'n fwy egnïol nag erioed.
Rydw i'n awyddus i wneud popeth o fewn fy ngallu i ysgogi fy meddwl a fy nghorff wrth i mi heneiddio. Mae mor bwysig gwneud popeth allwch chi i gadw’n iach a bod yn annibynnol.
Wedi’i hysbrydoli gan frwydrau ei mam-yng-nghyfraith gydag osteoporosis a llawdriniaeth i gael clun newydd ei mam ei hun, fe ymunodd Eva i geisio diogelu ei hiechyd ar gyfer y dyfodol.
Mae prosiectau fel Academi Cryfder Cymru yn hanfodol, Mae ymarfer corff yn allweddol os ydyn ni am atal problemau iechyd wrth i ni heneiddio, felly mae angen i gyfleusterau fel Academi Cryfder Cymru fod ar gael. Dyna pam mae cyllid y Loteri Genedlaethol mor bwysig.
Ond y tu hwnt i’r ymarfer corff, y cyfeillgarwch sy’n gwneud iddi ddod yn ôl yn gyson. Ar ôl pob sesiwn, mae Eva’n mwynhau’r ochr gymdeithasol, gan gael coffi cwbl haeddiannol gyda’i ffrindiau newydd.
Mae Janice ac Eva yn brawf bod posib i heneiddio, gyda'r gefnogaeth gywir, ymwneud ag ennill, nid colli, cryfder.
Diolch i gyllid y Loteri Genedlaethol, mae campfa gymunedol fechan yn Sir Benfro yn helpu pobl i symud yn well, teimlo'n well, a byw yn well.
Oes gennych chi brosiect fedr wneud gwahaniaeth i ferched hŷn hefyd? Gallai Cronfa Cymru Actif eich helpu chi i wneud y gwahaniaeth hwnnw.