Main Content CTA Title

Clwb saethyddiaeth yn taro’r targed i ferched a genethod yng Nghanolbarth Cymru

  1. Hafan
  2. Newyddion, Straeon a Digwyddiadau
  3. Newyddion, Erthyglau ac Ymgyrchoedd
  4. Clwb saethyddiaeth yn taro’r targed i ferched a genethod yng Nghanolbarth Cymru

Mae gan Glwb Saethyddiaeth Hafren Foresters ger y Drenewydd genhadaeth i annog mwy o ferched a genethod a phobl ag anableddau i estyn am fwa a saeth.

Mae'r Loteri Genedlaethol a Chwaraeon Cymru wedi helpu'r clwb i daro'r targed gan ei alluogi i lansio sesiynau hyfforddi a gweithdai i ferched yn unig gyda hyfforddwr benywaidd. Gyda grant o £4,688, mae wedi gallu prynu bwâu, saethau ac offer diogelwch newydd. 

Yn cyflwyno Megan – Y saethyddwraig ifanc sy’n anelu am LA 2028

Mae Megan Costall ar y targed i gystadlu yng Ngemau Olympaidd 2028 ac mae'r cyfan oherwydd ei 'theulu' yn Hafren Foresters.

Pan oedd hi'n iau, roedd Megan wrth ei bodd gyda charate a’r unig reswm wnaeth hi roi'r gorau iddi oedd am ei bod wedi cael gwybod ei bod hi'n rhy ifanc i wneud ei gwregys du. Mae hi hefyd yn gyn-gymnast ond aeth i'r clwb saethyddiaeth yn 14 oed. Mae ei thad wedi bod yn rhan o redeg y clwb ers cryn amser ac roedd ei chwaer hŷn eisoes yn saethu'n rheolaidd. Gan sianelu ei hysbryd cystadleuol, roedd hi'n benderfynol o guro'r ddau.

Ers hynny, mae Megan wedi mynd ymlaen i ennill medal arian yng Ngornest Agored Berlin a helpu'r tîm i ennill aur ym Mhencampwriaethau Ieuenctid Ewrop yn 2022. Ac mae Megan yn dweud mai diolch am ei chynnydd i glwb saethyddiaeth Hafren.

Mae Megan Costall yn dal ei bwa, yn gwenu wrth iddi sefyll wrth ochr targed gyda saethau ynddo.
Megan Costall - Saethyddiaeth Hafren Foresters

Gwneud saethyddiaeth yn hygyrch i bobl ag anableddau yn y gymuned

Fel clwb sydd â’r gymuned wrth ei galon, mae'n ymdrechu i rannu’r hoffter o saethyddiaeth – gan egluro ei gynhwysiant i grwpiau lleol a phobl ag anableddau. Mae'r clwb yn agor ei ddrysau led y pen i bobl ag awtistiaeth a grŵp cefnogi MS lleol, gan feithrin hyder a darparu cyfleoedd newydd.

Mae Megan – er ei bod yn brysur yn jyglo ei hyfforddiant gyda Phrydain Fawr a'i bywyd prifysgol – yn hyfforddwr cymwys ar gyfer saethyddwyr sydd â nam ar eu golwg ac yn meithrin sgiliau pobl eraill, pan mae’n gallu.

Mae'r cyllid gan Chwaraeon Cymru yn helpu i ddatblygu a thyfu teulu ffyniannus. ’Fydden ni ddim yn gallu rhedeg y clwb heb y gefnogaeth ac mae'n golygu bod pobl o bob oed yn gallu rhoi cynnig ar gamp gynhwysol iawn ac mae hynny'n bwysig iawn mewn lleoliad gwledig
Megan Costall

Wrth i Megan dargedu lle ymhlith sêr elitaidd y byd, mae'r clwb cymunedol lle dechreuodd y cyfan iddi’n parhau i ddangos i bobl o bob oed a phob gallu y gallant gyrraedd eu nodau, bod yn rhan o gymuned a pharhau i daro'r targed. 

Oes gan eich clwb chi syniadau gwych ar gyfer cael mwy o ferched a genethod i gymryd rhan mewn chwaraeon? Darganfyddwch sut gallai Cronfa Cymru Actif helpu. 

Merched a Genethod yn y Byd Chwaraeon yng Nghymru - #HiActifCymru

Dyma’r haf mwyaf erioed i chwaraeon merched yng Nghymru. Gwelwch beth sy’n digwydd yr haf yma, am straeon ysbrydoledig a sut gall eich clwb neu eich sefydliad chi chwarae ei ran. Gwelwch beth sy’n digwydd yr haf yma, am straeon ysbrydoledig a sut gall…

Darllen Mwy
Women's football team celebrating