Pan gafodd Andy Johns strôc a cholli rhywfaint o'i olwg, daeth tasgau bob dydd – fel croesi'r ffordd yn ddiogel – yn weithred frawychus bron dros nos.
Ond ar ôl troi at gamp yr oedd wrth ei fodd â hi’n fachgen ifanc, mae Andy wedi meithrin ei hyder eto. Diolch i denis bwrdd, mae wedi cael ei olwg yn ôl, wedi gwella ei sgiliau cydsymud llaw a llygad ac, yr un mor bwysig, wedi dod o hyd i rywle lle mae'n perthyn go iawn.
Yn y misoedd ar ôl iddo gael gwaedlif, dechreuodd golwg Andy ddychwelyd. Awgrymodd ei Therapydd Galwedigaethol denis bwrdd fel ffordd o wella ei sgiliau cydsymud llaw a llygad ymhellach ac ehangu ei faes gwelediad.
Felly, dychwelodd at gamp yr oedd yn ei gyfarwydd â hi yn ei blentyndod. Ac yn well fyth, roedd Clwb Tennis Bwrdd Gilwern ar garreg ei ddrws.
Pan ddechreuodd Andy fynd i ddechrau, nid oedd gyrru yn opsiwn. Ond roedd aelod o'r clwb a hen ffrind iddo, Kevin Phillips, yn hapus i'w godi a'i ollwng adref bob wythnos.
Ar y dechrau, roedd yn ei chael hi'n anodd. Roedd y strôc wedi effeithio ar ei atgyrchau a'i wrthlaw, ac roedd mannau dall yn ei olwg yn achosi iddo fethu rhai ergydion. Ond gyda thair blynedd o ddyfalbarhad a phenderfyniad, mae Andy wedi cael ei sbonc yn ôl ac mae'n arbenigwr wrth y bwrdd unwaith eto.
Er bod Andy yn darllen yn ychydig arafach, mae bellach yn gallu gwneud bron popeth a allai wneud cyn y strôc. A beth mae’n feddwl sy'n gyfrifol am ei adferiad? Chwarae tennis bwrdd yng Nghlwb Tennis Bwrdd Gilwern.
Mae’r clybiau lleol hyn yn arbennig o bwysig mewn ardal wledig fel Sir Fynwy. Mae’r clwb wedi rhoi llawer o help i mi i wella o fy strôc, ond rydw i hefyd yn ôl yn chwarae camp rydw i wrth fy modd â hi a hynny gyda chriw gwych o bobl gyfeillgar,” Andy Johns, aelod o Glwb Tennis Bwrdd Gilwern.
Mae'r clwb yn cynnig cyfleoedd hanfodol yng nghefn gwlad Sir Fynwy. Diolch i £1,740 o gyllid y Loteri Genedlaethol o Gronfa Actif Cymru Chwaraeon Cymru, mae wedi gallu agor ei ddrysau i Andy a chwaraewyr eraill.
Gyda'r grant, mae'r clwb wedi prynu:
Mae cyllid y Loteri Genedlaethol gan Chwaraeon Cymru wedi ein galluogi i brynu mwy o fyrddau, mwy o offer, ac i gynnal sesiynau mewn lleoliad mwy. Rydym hefyd yn falch iawn o gefnogi pobl fel Andy sydd wedi defnyddio'r gamp i helpu i reoli cyflyrau iechyd.
Mae effaith y clwb wedi bod yn aruthrol. Mae nifer y bobl sy'n dod i chwarae tennis bwrdd wedi cynyddu pedair gwaith.
Mae Clwb Tennis Gilwern bellach yn ymfalchïo yn y canlynol:
O atgofion o chwarae ar fwrdd yn ei ystafell fyw fel bachgen wyth oed, i gael gemau unwaith eto gyda ffrindiau newydd yn 75 oed, mae Andy wedi cwblhau’r cylch.
Yng Nghlwb Tennis Bwrdd Gilwern, mae tennis bwrdd wedi gwneud mwy na dim ond helpu Andy i wella. Ac yntau wedi'i groesawu gan aelodau'r clwb sydd ar eu teithiau iechyd eu hunain, mae wedi dod o hyd i gyfeillgarwch, llawenydd ac ymdeimlad o berthyn.
Ydych chi'n meddwl am helpu pobl yn eich cymuned i ffynnu drwy chwaraeon? Gallai Cronfa Cymru Actif eich helpu i wneud y gwahaniaeth hwnnw.
Girls Takeover yn brosiect sy'n annog merched i symud, rhoi cynnig ar bethau newydd a theimlo'n dda.
Y mis yma, bydd Gogledd Cymru’n dyst i dennis o'r radd flaenaf am y tro cyntaf wrth i Daith Tennis y…
Mae Weixin Liu, mam i dri o blant, yn cynnal dosbarthiadau tenis ‘She Can’ i ferched a genethod yn Abertawe.