Goruchwylydd Arlwyo

Adran a chyflog

Adran – Arlwyo a Chadw Tŷ, Gerddi Sophia 

Cyflog – £26,582.64 - £29,307.36 (pro rata) (Graddfa 4)        

Oriau Gwaith – 30 awr (bydd ystyriaeth yn cael ei rhoi i rannu swydd / llai o oriau yn unol â'n polisi gweithio hyblyg) 

Lleoliad – Chwaraeon Cymru, Gerddi Sophia, Caerdydd, CF11 9SW

Pwy ydym ni

Chwaraeon Cymru yw’r sefydliad cenedlaethol sy’n gyfrifol am ddatblygu a hybu chwaraeon a gweithgarwch corfforol yng Nghymru. Ni yw prif gynghorwr Llywodraeth Cymru ar bob mater yn ymwneud â chwaraeon ac rydym yn gyfrifol am ddosbarthu cyllid y Loteri Genedlaethol. Ein nod ni yw nid yn unig gwella lefel y cymryd rhan mewn chwaraeon ar lawr gwlad, ond hefyd darparu i’n hathletwyr addawol y gefnogaeth ofynnol i gystadlu’n llwyddiannus ar lwyfan y byd. 

Mae Cydraddoldeb, Amrywiaeth a Chynhwysiant wrth galon popeth rydym yn ei wneud yn Chwaraeon Cymru. Ceir rhagor o wybodaeth am hyn yn ein Datganiad Cydraddoldeb, Amrywiaeth a Chynhwysiant yma.   

Rydym yn gyflogwr blaengar sy'n cynnig buddion rhagorol i gyflogeion ac yn hyrwyddo cydbwysedd bywyd a gwaith iach, gan gynnig amrywiaeth o ddulliau hyblyg i'ch cefnogi chi.   

Mae sgiliau iaith (dwyieithrwydd ac amlieithrwydd) yn nodweddion dymunol ar draws pob rôl yn Chwaraeon Cymru. Rydym yn teimlo’n angerddol am hyrwyddo'r defnydd o'r Gymraeg ac, fel rhan o'n rhaglen ddatblygu, rydym yn rhoi cyfle i bawb ddysgu Cymraeg os ydynt yn dymuno gwneud hynny, gan gynnig rhaglenni dysgu o lefel dechreuwr hyd at lefel rhugl.   

Mae Chwaraeon Cymru yn cofleidio dull cyfun o weithio, lle byddwch yn gallu rhannu eich amser rhwng y swyddfa a’r cartref.   

Mae gyrfaoedd Chwaraeon Cymru yn cael eu cyllido gan Lywodraeth Cymru a’r Loteri Genedlaethol. Mwy o wybodaeth am berthynas Chwaraeon Cymru gyda’r Loteri Genedlaethol.

Mae Chwaraeon Cymru yn cefnogi dysgu a gwella parhaus. Ar eich diwrnod cyntaf un yn y gwaith, byddwch yn dechrau rhaglen sefydlu wedi'i theilwra a chewch gynnig yr holl hyfforddiant hanfodol i chi ddechrau arni. Mae ymuno â Chwaraeon Cymru yn golygu ymuno â diwylliant o ddysgu a datblygiad proffesiynol parhaus. Mae hyfforddiant penodol i'r swydd, gweithdai amser cinio, hyfforddi a mentora, gwella sgiliau iaith Gymraeg a chyfleoedd astudio hirdymor i gyd yn rhan o fod yn aelod o’n tîm. 

Sut byddwch chi'n cyfrannu

Byddwch yn dangos sgiliau arweinyddiaeth tîm, gan eu harddangos i'ch tîm a dangos sgiliau gwasanaeth da sy'n canolbwyntio ar gwsmeriaid a fydd yn gwella'r ddarpariaeth o wasanaethau yn Chwaraeon Cymru. 

Gyda phwy fyddwch chi'n gweithio

Byddwch yn gweithio fel aelod o’r tîm arlwyo ac yn cysylltu â chymuned Chwaraeon Cymru i sicrhau bod yr holl arlwyo a lletygarwch yn cael eu darparu yn unol ag anghenion busnes yr adeilad, ac i sicrhau bod yr holl gyfathrebu'n cael ei gwblhau mewn ffordd broffesiynol bob amser. 

Beth fydd angen arnoch

Bod yn unigolyn hyderus, allblyg a diddorol sy’n gallu arwain tîm gyda sgiliau arweinyddiaeth cadarn, sy'n adlewyrchu gwerthoedd craidd Chwaraeon Cymru. 

Beth sy'n digwydd nesaf

Dylech ddarllen y disgrifiad swydd llawn.

Gallwch wneud cais am y rôl yma nawr (cofiwch nad ydym yn derbyn CV).    

Os oes arnoch chi angen unrhyw gymorth i wneud cais am y rôl yma, anfonwch e-bost i [javascript protected email address]

Dyddiad cau

26/06/2025 9am 

Disgrifiad swydd llawn

Yn atebol i

Rheolwr Arlwyo a Chadw Tŷ

Yn gyfrifol am

Cynorthwywyr Cyffredinol, staff Achlysurol ac Asiantaeth

Pwrpas y swydd

Fel Goruchwylydd Gweithrediadau adran Arlwyo a Chadw Tŷ fawr, byddwch yn gyfrifol am ddarparu profiad gwasanaeth cwsmeriaid o ansawdd uchel. Byddwch yn arwain y tîm wrth ddarparu'r gwasanaeth ac yn rhoi croeso cynnes i bob cwsmer ac ymwelydd, fel bod enw da swyddogaeth Arlwyo a Chadw Tŷ Canolfan Genedlaethol Chwaraeon Cymru yn cael ei gynnal a'i wella.

Prif ddyletswyddau

Hyrwyddo amgylchedd croesawgar gyda lefel uchel o Ofal Cwsmeriaid - hyfforddi, arwain, annog a chefnogi'r holl staff i gyflawni a chynnal yr un safon.

Gweithredu fel model rôl i'r tîm Arlwyo a Chadw Tŷ ac annog a hyrwyddo amgylchedd gwaith cytûn o fewn yr adran.

Bod yn gyfrifol am ddatblygiad, cymhelliant a gwelliant parhaus yr adran a'i thîm.

Bod yn ymwybodol o dueddiadau bwyd cyfredol i alluogi Chwaraeon Cymru i ddatblygu'r cynnig gwasanaeth bwyd yn arweinydd yn y farchnad.

Bod yn gyfrifol am dasgau Dosbarthu, Storio a Pharatoi Bwyd a Gweithredu Cegin, er mwyn sicrhau bod safonau uchel yn cael eu cyflawni yn unol â deddfwriaeth Diogelwch Bwyd ac Iechyd a Diogelwch.

Sicrhau bod pob mesur rheoli’n cael ei gynnal a'i gwblhau fel y nodir yn System Rheoli Diogelwch Bwyd (FSMS) Chwaraeon Cymru a'u bod yn barod i'w harchwilio.

Bod yn gyfrifol am safonau gweithredol uchel ac effeithlonrwydd pob maes o fewn yr adran.

Bod yn gyfrifol am Reoli Perfformiad aelodau'r tîm, gan gynnwys hyfforddiant a gwerthusiadau staff.

Sicrhau bod briffiau cyn-wasanaeth dyddiol yn cael eu cynnal.

Rheoli a chadw trefn ar egwyliau staff.

Rheoli gwyliau staff a TOIL, gan sicrhau bod pob maes yn cael sylw i ddiwallu anghenion y busnes.

Cydweithredu, cyfathrebu a chysylltu â goruchwylwyr a rheolwyr adrannol eraill.

Cynnal cyswllt â chwsmeriaid yn ystod digwyddiadau.

Sicrhau bod pob gweithdrefn gyllid yn cael ei dilyn, gan gynnwys cysoni tiliau a chynnal fflôts adrannol.

Cynorthwyo gyda dyletswyddau gwasanaeth cadw tŷ yn ôl yr angen.

Ymgysylltu â'r Gymuned: Sefydlu a chynnal perthnasoedd cadarn â chymunedau ethnig amrywiol lleol, arweinwyr cymunedol a sefydliadau i feithrin cydweithredu, dealltwriaeth a chynhwysiant mewn mentrau chwaraeon.

Hyfforddiant Sensitifrwydd Diwylliannol: Darparu hyfforddiant ac adnoddau i staff a phartneriaid Chwaraeon Cymru i wella sensitifrwydd diwylliannol a sicrhau rhyngweithio parchus a chynhwysol â chymunedau amrywiol.

Mentrau Tegwch, Amrywiaeth, Twf a Chydraddoldeb: Dylunio ac arwain mentrau sy'n hyrwyddo tegwch ac amrywiaeth mewn chwaraeon o fewn Chwaraeon Cymru ac mewn cydweithrediad â chymunedau lleol. Creu rhaglenni a dylunio digwyddiadau cymunedol sy'n annog cynrychiolaeth pobl o leiafrifoedd ethnig.

Adeiladu Pontydd: Gwasanaethu fel cyswllt rhwng Chwaraeon Cymru a chymunedau a anwybyddwyd yn flaenorol, gan hwyluso cyfathrebu agored a chyd-greu mentrau sy'n mynd i'r afael ag anghenion a diddordebau cymunedol penodol.

Addysg ac Ymwybyddiaeth: Cefnogi datblygiad rhaglenni ac ymgyrchoedd addysgol i godi ymwybyddiaeth o fanteision chwaraeon, addysg STEM, a gyrfaoedd sy'n gysylltiedig â chwaraeon o fewn cymunedau a anwybyddwyd yn flaenorol.

Llwybrau Elitaidd ar gyfer Athletwyr Heb Fod yn Wyn: Eiriol dros a chefnogi llwybrau elitaidd ar gyfer athletwyr heb fod yn wyn, gan nodi a mynd i'r afael â rhwystrau i sicrhau cyfleoedd cyfartal.

Cydweithredu ag Ysgolion a Rhaglenni STEM: Ffurfio partneriaeth ag ysgolion a rhaglenni addysg STEM i hyrwyddo'r cysylltiad rhwng gyrfaoedd chwaraeon a meysydd sy'n gysylltiedig â STEM ymhlith pobl o leiafrifoedd ethnig.

Monitro ac Adrodd: Gweithredu mecanweithiau tracio i fonitro cynnydd mewn mentrau amrywiaeth a chynhwysiant ac adrodd ar ganlyniadau ac effaith.

Adolygu a Datblygu Polisïau: Gwerthuso polisïau ac arferion presennol i nodi rhagfarnau neu rwystrau posibl ac argymell newidiadau i hyrwyddo mwy o gynhwysiant.

Cyflawni cyfrifoldebau sy'n cyfrannu at ddarparu patrwm o wasanaeth i Chwaraeon Cymru mewn perthynas â'n dyletswyddau statudol, gan gynnwys Llesiant Cenedlaethau'r Dyfodol (Cymru), Cydraddoldeb, yr Iaith Gymraeg, Diogelwch Gwybodaeth, Rheoli Risg, Diogelu, Rheoleiddio Ariannol ac Iechyd, Diogelwch a'r Amgylchedd.

Annog cynaliadwyedd, lles a chydraddoldeb yn weithredol, gan werthfawrogi amrywiaeth a gwahaniaeth.

Gweithio'n hyblyg, gan gyflawni unrhyw ddyletswyddau eraill yn ôl yr angen, lle bo hynny'n berthnasol i'r swydd ac yn briodol i'r raddfa.

Iechyd a diogelwch

Ymateb i unrhyw sefyllfaoedd brys a chofnodi pob damwain yn ôl yr angen.

Cynorthwyo gyda'r gweithdrefnau ar gyfer gadael y Ganolfan.

Yn unol â darpariaethau Deddf Iechyd a Diogelwch yn y Gwaith 1974, cymryd gofal rhesymol am eich iechyd a'ch diogelwch eich hun ac iechyd a diogelwch pobl eraill a allai gael eu heffeithio gan eich gweithredoedd neu esgeulustod yn y gwaith. Cydweithredu â Chyngor Chwaraeon Cymru yn unol â'i ddyletswyddau o dan unrhyw ddarpariaethau iechyd a diogelwch.

Cyffredinol

Gweithredu mewn ffordd deg a pharchus wrth ddelio ag eraill, gan werthfawrogi amrywiaeth a gwahaniaeth.

Gwisgo'r wisg briodol a chynnal lefel uchel o hylendid personol.

Cydymffurfio ag unrhyw ymholiadau gwasanaeth cwsmeriaid e.e., delio â sylwadau neu ymholiadau / cwynion cwsmeriaid.

Darparu cymorth i staff eraill Chwaraeon Cymru yn gyson â sicrhau bod gofynion gweithredol y Ganolfan yn cael eu bodloni.

Helpu i gynnal amgylchedd taclus a glân ym mhob rhan o'r Ganolfan (mewnol ac allanol).

Ni ddylid ystyried y rhestr hon fel rhestr unigryw na chynhwysfawr oherwydd efallai y bydd dyletswyddau eraill sy'n ofynnol o fewn galluoedd a graddfa deiliad y swydd mewn unrhyw faes o weithrediadau Chwaraeon Cymru.

Bydd y patrymau gwaith yn gofyn am hyblygrwydd rhesymol yn unol ag anghenion y Ganolfan.

Ein gwerthoedd

Mae ein dull o weithredu i alluogi chwaraeon yng Nghymru i ffynnu yn esblygu. Rydym wedi ymrwymo i herio ein hunain yn barhaus i wneud y canlynol:  

Dysgu Gyda’n Gilydd - Archwilio, profi ac adolygu yn gyson.              

Cyflawni Gyda’n Gilydd - Rhannu canlyniadau, meithrin perthnasoedd agored a gonest, darparu adborth cadarn, gwella perfformiad yn gyson.       

Dathlu Gyda’n Gilydd - Cydnabod ein llwyddiannau a rennir drwy bartneriaid effeithiol. 

Drwy wneud y canlynol: 

Gweithredu’n Ddidwyll - Deall a Pharchu diwylliant a gwerthoedd ein gilydd. Hybu cydraddoldeb ac amrywiaeth. 

Ychwanegu Gwerth - Sicrhau’r gymysgedd orau bosib o gefnogaeth, her, buddsoddiad, sgiliau ac arbenigedd i gyflawni ein canlyniadau a rennir.

Annog Arloesi - Croesawu syniadau a dulliau gweithredu newydd a chefnogi uchelgais a meddwl o’r newydd. Peidio ag ofni teimlo’n anghyfforddus.

Manyleb y person