Mae Chwaraeon Cymru yn buddsoddi arian cyhoeddus i helpu sefydliadau i dyfu a llwyddo i gyflawni'r Weledigaeth ar gyfer Chwaraeon. Mae gennym ni gyfrifoldeb i sicrhau bod yr arian hwn yn cael ei ddefnyddio'n briodol ac yn creu gwir effaith.
Arwain Cymru:Fframwaith Llywodraethu a Datblygu Pobl
Mae Fframwaith Arwain Cymru yn ein helpu ni i wneud y canlynol:
- Meithrin hyder yn y sefydliadau rydym yn eu cyllido.
- Cefnogi partneriaid i wella llywodraethu ac arweinyddiaeth.
- Annog diwylliannau, ymddygiadau ac integriti cadarn.
Beth yw Arwain Cymru?
Mae Arwain Cymru yn cyfuno dau fframwaith blaenorol:
- Fframwaith Gallu
- Fframwaith Llywodraethu ac Arweinyddiaeth ar gyfer Cymru (GLFW)
Mae'n adlewyrchu’r canlynol:
- Newidiadau mewn cymdeithas.
- Gwersi o ddigwyddiadau llywodraethu byd-eang.
- Yr angen am welliant parhaus.
Nid dim ond ticio bocsys yw llywodraethu da. Mae'r fframwaith yma’n adnodd ymarferol a datblygiadol i helpu sefydliadau i gryfhau perfformiad a thyfu.
Beth Mae'n ei Gynnwys?
- Mae'r fframwaith yma’n ymgorffori elfennau craidd ac arfer da
- Elfennau craidd = Safonau gofynnol y mae'n rhaid i bob partner sy’n cael ei gyllido eu bodloni.
- Arfer da = Enghreifftiau o arloesedd ac arweinyddiaeth i ysbrydoli gwelliant.
Mae gan y fframwaith 5 egwyddor allweddol:
- Cyfreithiol a chydymffurfiaeth sefydliadol
- Pobl a diwylliannau
- Dirnadaeth, ymgysylltu a strategaeth
- Sefydliad sy’n cael ei weithredu yn effeithiol
- Cyllid
Sut i ddefnyddio'r Fframwaith?
I gael y gorau o Arwain Cymru, dylai’r partneriaid sy’n cael eu cyllido wneud y canlynol:
1. Adolygu'r Fframwaith
Deall y gofynion craidd a'r enghreifftiau o arfer da.
2. Hunanddatgan
Gwirio eich sefydliad yn erbyn elfennau'r fframwaith.
3. Creu Cynllun Gwella
Datblygu Cynllun Llywodraethu a Gwella Pobl i gefnogi datblygiad parhaus.
Angen Help?
Os oes gennych chi gwestiynau, anfonwch e-bost atom ni ar: governance@sport.wales
