Fel rhan o ddathliad pen-blwydd 30 mlynedd y Loteri Genedlaethol, mae cyn Comander y Môr-filwyr Brenhinol a’r darlledwr, JJ Chalmers, wedi lansio’r ymgyrch i ganfod 30 o bobl sydd wedi gwneud pethau anhygoel dros y 30 mlynedd diwethaf gyda help y Loteri Genedlaethol.
Ledled y DU, mae miloedd o bobl sydd wedi defnyddio arian y Loteri Genedlaethol i gyflwyno newid, ysbrydoliaeth a llawenydd dwfn i filoedd.
Ers tynnu’r Loteri Genedlaethol am y tro cyntaf ar 19 Tachwedd 1994, mae dros £2.3 biliwn wedi cael ei ddosbarthu ar gyfer achosion da yng Nghymru trwy 71,733 o grantiau unigol, gan wneud gwahaniaeth enfawr i sefydliadau a phrosiectau celfyddydol, treftadaeth, chwaraeon a chymunedol yn yr ardal.
Mae clybiau a phrosiectau chwaraeon ledled Cymru wedi cael £377m dros 29 mlynedd, diolch i chwaraewyr y Loteri Genedlaethol. Dyfarnwyd £6,177,013 o'r cyfanswm hwnnw gan Chwaraeon Cymru drwy Gronfa Cymru Actif rhwng Ebrill 2023 a Mawrth 2024.
Mae Chalmers yn annog y cyhoedd i ddathlu cyflawniadau anhygoel gan unigolion ysbrydoledig ar draws Cymru trwy eu henwebu fel Newidiwr Gêm y Loteri Genedlaethol.
Mae’r gŵr 37 mlwydd oed yn deall pwysigrwydd dathlu arwyr sydd heb gael eu cydnabod mwy na llawer. Fel cyn Comander y Môr-filwyr Brenhinol, dioddefodd anafiadau erchyll a newidiodd ei fywyd tra’n gwasanaethu ac mae ganddo stori neilltuol i’w hadrodd. Fel cyn is-gorpral gyda Commando 42 yn y Môr-filwyr Brenhinol, cafodd JJ ei anafu mewn ffrwydrad IED yn Afghanistan yn 2011 gan ddioddef anafiadau erchyll yn y ffrwydrad a laddodd dau o’i gydweithwyr. Gan bron â cholli ei ddwy fraich trwy drychiad, collodd dau fys, dioddefodd anafiadau i’w wyneb a’i goes, ac roedd ei ben-elin dde wedi’i malurio’n llwyr.
Mae wedi wynebu brwydr lem i wella, ond yn groes i’r rhagolygon, llwyddodd i oresgyn adfyd a thrallod i ennill medal aur yn y Gemau Invictus yn 2014 ac mae wedi meithrin gyrfa lwyddiannus mewn darlledu, gan fod y cyflwynydd anabl cyntaf i gyflwyno’r Gemau Olympaidd. Ef yw Noddwr yr elusen Help for Heroes, yn Llysgennad ar gyfer y Gemau Invictus, ac mae’n teithio’r wlad yn rhoi sgyrsiau ysbrydoledig a gweithdai cymhellgar i ysgolion a busnesau.
