AKD
Mae rôl arweinwyr yn bwysicach nag erioed heddiw, hyd yn oed yn fwy felly yn yr hinsawdd sydd ohoni, lle mae bwriadau ynghylch Cynhwysiant ac Amrywiaeth wedi dod yn ganolog.
Mae arweinwyr yn gyfrifol am bennu diwylliannau gweithleoedd, gwneud y penderfyniadau gorau, a symbylu a grymuso eu timau i greu map ffordd clir tuag at fentrau ac ymyriadau cynaliadwy, ystyrlon, sydd wedi'u llywio gan brofiad byw pobl a dysgu gan eraill, a beth sydd wedi a heb weithio.
Nod rhaglen “Dod yn Arweinydd Cynhwysol” AKD yw meithrin eich sgiliau, rhoi eglurder gweledigaeth i chi, a gwella eich hyder i arwain eich timau. Mae'r rhaglen hefyd yn pwysleisio pwysigrwydd datblygu amgylcheddau gwaith cynhwysol sy'n adlewyrchu'r cymunedau rydych chi'n eu gwasanaethu.
Y gynulleidfa ar gyfer y rhaglen hon
Mae'r rhaglen hon ar gyfer y rhai sydd wedi ymrwymo'n ddidwyll i amrywiaeth a chynhwysiant ac sy'n gallu dylanwadu ar newid yn eich sefydliad.
Rydym yn arbennig o awyddus i ddenu cyfranogwyr o gyrff rheoli chwaraeon cenedlaethol, awdurdodau lleol, Ymddiriedolaethau Chwaraeon a Hamdden, ac unrhyw bartneriaid ehangach sy'n ymwneud â darparu Chwaraeon a Gweithgarwch Corfforol.
Mae'r rhaglen wedi'i hanelu ar gyfer:
- Uwch Reolwyr ac Arweinwyr
- Darpar Arweinwyr
- Y rhai sy’n arwain ar amrywiaeth a chynhwysiant
