£150,000 wedi’i ychwanegu at y Gronfa Cymorth Mewn Argyfwng i gefnogi clybiau cymunedol

Dywedodd Owen Hathway, Cyfarwyddwr Cynorthwyol yn Chwaraeon Cymru: “Mae’n bwysig ein bod ni wedi gallu dyrannu mwy o arian gan nad ydyn ni eisiau i glybiau deimlo nad ydyn nhw’n gallu cael cymorth yn ystod cyfnod o galedi ariannol. 

“Y neges allweddol yw ein bod ni ar gael nawr ar gyfer cymorth mewn argyfwng ac mai dyma ffocws ein gwaith grantiau.

“Er hynny dylai clybiau fod yn dawel eu meddwl ein bod ni’n datblygu mwy o gynlluniau i helpu i ailsefydlu chwaraeon a chael pobl i fod yn actif eto. Rydyn ni wedi cael llawer o geisiadau sy’n dod o dan y categori hwn yn gofyn am gyllid ar gyfer darpariaethau pwysig, ond sydd ddim yn argyfyngau mewn gwirionedd. Fe fyddwn ni’n rhyddhau mwy o fanylion yn fuan a bydd nifer o’r clybiau hynny sydd wedi bod yn aflwyddiannus gyda chael cyllid argyfwng yn cael cefnogaeth o hyd drwy gyfrwng y rhaglen newydd yma.”

Mae mwy o wybodaeth am feini prawf cymhwysedd a sesiwn holi ac ateb ar gael ar wefan Chwaraeon Cymru yma. 

Gellir cyfeirio unrhyw gwestiynau neu ymholiadau i emergencyrelief@sport.wales.