Ar hyn o bryd, mae mwy na 4000 o Lysgenhadon Ifanc mewn ysgolion, colegau a phrifysgolion ledled Cymru. Yn awyddus i wneud gwahaniaeth mewn cymunedau lleol ac ar lefel genedlaethol, maen nhw’n creu ac yn darparu cyfleoedd i’w cyfoedion a hyd yn oed oedolion fod yn egnïol yn gorfforol drwy chwaraeon.
Yn ei thro, mae’r rhaglen yn rhoi hyder a sgiliau i bobl ifanc i fod yn arweinwyr chwaraeon y dyfodol.
Mae rhaglen y Llysgenhadon Ifanc yng Nghymru’n cael ei gweithredu mewn partneriaeth rhwng Chwaraeon Cymru, yr Youth Sport Trust a’r tîm datblygu chwaraeon ym mhob Awdurdod Lleol. Mae’n cael ei chyllido gan y Loteri Genedlaethol.
I gael gwybod beth mae bod yn Llysgennad Ifanc yn ei olygu i bobl ifanc yng Nghymru, edrychwch ar y ffilm yma(dolen allanol).
Mae pedair lefel i lwybr y Llysgenhadon Ifanc yng Nghymru:
Rydym bob amser yn chwilio am ffyrdd o ddatblygu a gwella rhaglen y Llysgenhadon Ifanc. Dyma sydd ar y gweill:
Mae’n bwysig bod pobl ifanc wrth galon y penderfyniadau. Rydym eisiau gweld mwy o blant a phobl ifanc yn egnïol drwy chwaraeon – felly mae’n gwneud synnwyr bod rhaid i ni gael cyfraniad ac ymwneud gan y bobl ifanc eu hunain.
Dyma pam mae Grŵp Llywio Cenedlaethol y Llysgenhadon Ifanc wedi’i sefydlu, a’r Academi Arweinyddiaeth Genedlaethol, i helpu i ddylanwadu ar y rhaglen.
Mae’r grŵp llywio’n cyfarfod ryw bum gwaith y flwyddyn, gan gynnwys tri phenwythnos preswyl gan yr Academi Arweinyddiaeth Genedlaethol.
Yn y cyfarfodydd hyn, rydym yn cynllunio ac yn trefnu Cynhadledd Genedlaethol flynyddol y Llysgenhadon Ifanc, yn ceisio cyflawni gweledigaeth gyffredin, gwella’r rhaglen ledled Cymru a dylanwadu ar benderfyniadau cenedlaethol am chwaraeon a gweithgarwch corfforol sy’n effeithio ar fywydau pobl ifanc. Mae’r ceisiadau ar gyfer Rhaglen Genedlaethol y Llysgenhadon Ifanc a’r Academi Arweinyddiaeth Genedlaethol yn agor tua diwedd pob blwyddyn academaidd. Cadwch lygad ar ein tudalen ni ar twitter am fwy o wybodaeth.
Rydym eisiau gwneud yn siŵr bod ein Llysgenhadon Ifanc yn cael eu cydnabod am eu hymrwymiad i wirfoddoli. Wedi’r cyfan, maen nhw’n gwneud yn siŵr bod pobl ifanc yng Nghymru’n cael cychwyn gwych mewn chwaraeon.
Gall Llysgenhadon Ifanc gofnodi eu horiau gwirfoddoli gyda’r ap Vol Hours. Mae’n hawdd ei ddefnyddio a’i gael. Os nad yw eich ysgol neu eich swydog datblygu chwaraeon lleol wedi gweld hwn o’r blaen, dywedwch wrthyn nhw am edrych arno yma. here.
Mae Llysgenhadon Ifanc yn cael eu recriwtio gan dimau datblygu chwaraeon awdurdodau lleol ac ysgolion a cholegau.
Os hoffech chi gael eich ystyried ar gyfer rhaglen y Llysgenhadon Ifanc, trafodwch hynny gydag adran AG eich ysgol neu eich coleg.