Disgrifiad Swydd - DERBYNNYDD

Disgrifiad Swydd

Teitl y swydd

Derbynnydd

Yn atebol i     

Rheolwr Gwasanaethau Cwsmeriaid Cynorthwyol

Pwrpas y swydd

Delio gyda holl ymholiadau’r cwsmeriaid a gweithredu desg y Dderbynfa yn y Ganolfan.

Prif ddyletswyddau

Gwasanaethau Cwsmeriaid

• Cysylltu ag Adrannau eraill i sicrhau bod y Ganolfan yn cael ei gweithredu’n effeithlon.
• Delio â cheisiadau ar gyfer defnyddio cyfleusterau chwaraeon y Ganolfan, yr ystafelloedd cynhadledd a’r llety, o ymholiad cychwynnol i gadarnhad. 
• Cynorthwyo gyda gweinyddu cyrsiau’r Ganolfan a’r dosbarthiadau ffitrwydd, gan gynnwys rhaglennu cyrsiau, trefnu Hyfforddwyr, a derbyn ceisiadau am gyrsiau a thaliadau. 
• Cynorthwyo gyda gweinyddu cynlluniau aelodaeth, gan gynnwys cyflwyno hysbysiadau adnewyddu.
• Ateb galwadau ffôn ac ymateb i negeseuon e-bost gan gwsmeriaid.
• Llunio gwybodaeth ystadegol, adroddiadau a gohebiaeth gyffredinol, yn ôl yr angen.
• Ymgymryd â thasgau gweinyddol i sicrhau bod y Ganolfan yn cael ei gweithredu’n effeithlon ac yn effeithiol. 

Iechyd a Diogelwch

• Ymateb i unrhyw sefyllfaoedd o argyfwng a chofnodi’r holl ddamweiniau yn ôl yr angen.
• Cynorthwyo gyda’r gweithdrefnau ar gyfer gadael y Ganolfan.
• Yn unol â darpariaethau Deddf Iechyd a Diogelwch yn y Gwaith 1974, cymryd gofal rhesymol o’ch iechyd a’ch diogelwch chi eich hun ac iechyd a diogelwch eraill a all gael eu heffeithio gan eich gweithredoedd neu eich esgeulustod yn y gwaith. Cydweithredu â Chwaraeon Cymru wrth iddo gydymffurfio â’i ddyletswyddau o dan unrhyw ddarpariaethau iechyd a diogelwch.

Cyffredinol 

• Cynorthwyo gyda hyfforddi cyflogeion newydd, gan gynnwys staff achlysurol.
• Darparu cymorth i staff eraill Chwaraeon Cymru yn gyson â sicrhau bod gofynion gweithredol y Ganolfan yn cael eu bodloni.
• Helpu i gynnal amgylchedd taclus a glân ym mhob rhan o’r Ganolfan (mewnol ac allanol).
• Ymddwyn mewn ffordd deg a pharchus wrth ddelio ag eraill, gan werthfawrogi amrywiaeth a gwahaniaethau
• Oherwydd natur y swydd, mae’n ofynnol i ddeiliad y swydd weithio shifftiau, sy’n cynnwys oriau afreolaidd ac anghymdeithasol, gan gynnwys gyda’r nosau, penwythnosau a gwyliau banc a chyhoeddus a gwyliau eraill penodol. Bydd y patrymau gwaith yn gofyn am hyblygrwydd rhesymol yn unol ag anghenion y Ganolfan.                     
• Ni ddylid ystyried y rhestr hon fel un eithriol na hollgynhwysfawr oherwydd efallai y bydd dyletswyddau eraill yn ofynnol fel rhan o allu a graddfa deiliad y swydd mewn unrhyw faes fel rhan o weithrediadau Chwaraeon Cymru.

Manyleb y person