CYNLLUN GRADDEDIGION DATBLYGIAD ATHLETIG

RÔL

Myfyriwr Graddedig Datblygiad Athletig

YN ATEBOL I

Arweinydd Datblygiad Athletig

PWRPAS Y SWYDD

Rydym eisiau cefnogi ein partneriaid i ddeall a gwella’r arferion datblygu athletwyr maent yn eu defnyddio fel rhan o’n hymgyrch i wneud Cymru yn genedl sy’n arwain y byd o ran sut rydym yn mynd ati i ddatblygu athletwyr.

I'r rhai sy'n gymwys, mae hwn yn gyfle cyffrous i astudio ar gyfer gradd ôl-raddedig MSc Datblygiad Athletig Ieuenctid ym Met Caerdydd a chael profiad amhrisiadwy wrth gefnogi datblygiad athletwyr ar draws system chwaraeon Cymru.

Bydd y cynllun graddedigion datblygiad athletig hwn yn darparu cyfleoedd i gefnogi timau amlddisgyblaethol ar draws prosiectau lluosog i ddatblygu eich dealltwriaeth o ddefnyddio paratoadau corfforol i wella ymarfer datblygu athletwyr. Bydd y cynllun graddedigion yn arwain eich datblygiad drwy weithio dan oruchwyliaeth i adeiladu'r profiad, yr wybodaeth a'r sgiliau sydd eu hangen i gyflwyno'n annibynnol.

Byddwch yn cyfrannu at ein dealltwriaeth a’n dysgu am y ffordd orau i ni ddatblygu athletwyr (gan ganolbwyntio’n benodol ar ddatblygiad athletig ieuenctid) nid yn unig o fewn chwaraeon unigol ond ar draws y system yng Nghymru. Byddwch yn gwneud hyn drwy ddatblygu eich sgiliau technegol a'ch gallu i feithrin perthnasoedd cadarn.

PRIF DDYLETSWYDDAU

• Cefnogi cynllunio, cyflwyno a gwerthuso prosiectau sy'n ymwneud â datblygu athletwyr sy'n cynnwys;
  • Gwella ymarfer profi corfforol ar draws y system chwaraeon
  • Ailgynllunio cwrs hyfforddi paratoi corfforol
  • Iechyd athletwr benywaidd
• Cefnogi datblygiad ein dealltwriaeth o'r arferion sy'n sail i ddatblygiad athletig ieuenctid effeithiol sy'n cael eu harwain gan angen, sy'n bleserus, yn ddiogel ac yn ddatblygiadol.
• Datblygu eich gwybodaeth, eich profiad a'ch arbenigedd eich hun o ddatblygiad athletig ieuenctid fel sail i brosiectau a allai effeithio ar ddatblygiad athletwyr ar draws y system chwaraeon yng Nghymru.
• Meithrin a chynnal perthnasoedd effeithiol i gefnogi cyflwyno prosiectau'n effeithiol.
• Gweithio gyda chydweithwyr a phartneriaid perthnasol i ddysgu, esblygu a datblygu ymarfer datblygu athletwyr yn barhaus.
• Rheoli eich datblygiad personol eich hun gyda chefnogaeth hyfforddi a mentora effeithiol.
• Bod yn rhan o ddiwylliant sy'n cefnogi diogelwch seicolegol lle mae cwestiynau yn cael eu croesawu, safbwyntiau yn cael eu harchwilio a chwilfrydedd yn cael ei gofleidio.
• Ar y cyd â phartneriaid y Corff Rheoli Cenedlaethol, helpu i sicrhau ein bod yn gallu darparu cefnogaeth i athletwyr y Llwybr Safon Byd Olympaidd a Pharalympaidd sydd wedi'u lleoli yng Nghymru.
• Cadw dogfennau cynhwysfawr am y gwaith sy'n cael ei wneud gydag athletwyr, hyfforddwyr a chwaraeon.
• Gweithio o fewn rheolau Codau Ymddygiad Proffesiynol, safonau a chanllawiau y DU a CRhC.

EIN GWERTHOEDD

Mae ein dull o weithredu i alluogi chwaraeon yng Nghymru i ffynnu yn esblygu. Rydym wedi ymrwymo i herio ein hunain yn barhaus i wneud y canlynol:  

Dysgu Gyda’n Gilydd - Archwilio, profi ac adolygu yn gyson.              

Cyflawni Gyda’n Gilydd - Rhannu canlyniadau, meithrin perthnasoedd agored a gonest, darparu adborth cadarn, gwella perfformiad yn gyson.       

Dathlu Gyda’n Gilydd - Cydnabod ein llwyddiannau a rennir drwy bartneriaid effeithiol. 

Drwy wneud y canlynol: 

Gweithredu’n Ddidwyll - Deall a Pharchu diwylliant a gwerthoedd ein gilydd. Hybu cydraddoldeb ac amrywiaeth. 

Ychwanegu Gwerth - Sicrhau’r gymysgedd orau bosib o gefnogaeth, her, buddsoddiad, sgiliau ac arbenigedd i gyflawni ein canlyniadau a rennir. 

Annog Arloesi - Croesawu syniadau a dulliau gweithredu newydd a chefnogi uchelgais a meddwl o’r newydd. Peidio ag ofni teimlo’n anghyfforddus. 

MANYLEB Y PERSON