Disgrifiad Swydd - Swyddog Datblygu Partneriaethau Chwaraeon

Pwrpas y Swydd

Mae hwn yn gyfle newydd a chyffrous i chwarae rhan allweddol yn y Gyfarwyddiaeth Gwybodaeth Chwaraeon a Datblygu Gwasanaethau. Gan weithio’n gydweithredol ar draws Chwaraeon Cymru, byddwch yn rhan o’r Tîm Datblygu Gwasanaethau a Phartneriaid. Yn cael ei arwain gan wybodaeth, arloesi ac anghenion partneriaid, mae’r tîm yn gyfrifol ar y cyd am sbarduno meysydd polisi a blaenoriaeth allweddol Chwaraeon Cymru ac am hyrwyddo achos chwaraeon.           

Un flaenoriaeth strategol ar gyfer Chwaraeon Cymru yw newid y tirlun Chwaraeon Cymunedol yn llwyr, lle byddwn yn arwain dull o greu pum Partneriaeth Chwaraeon newydd ledled Cymru. Gan weithio gyda’r Rheolwr Perthnasoedd Partneriaethau Chwaraeon, byddwch yn chwarae rhan greiddiol mewn cyflawni hyn.

Dros amser gall y rôl hon addasu i gynnwys meysydd blaenoriaeth eraill ym maes Datblygu Gwasanaethau a Phartneriaid, fel ymateb i flaenoriaethau’r Cynllun Busnes newydd ac anghenion partneriaid. 

Prif ddyletswyddau

• Darparu cefnogaeth, cyngor, arbenigedd a gwybodaeth i gyflawni blaenoriaethau allweddol y strategaeth ym maes Datblygu Gwasanaethau a Phartneriaid, wrth i’r Partneriaethau Chwaraeon gael eu creu.     
• Rheoli Prosiectau: Cydlynu a rhyng-gysylltu cynlluniau prosiect ar gyfer meysydd gwaith allweddol, gan ymgorffori egwyddorion rheoli prosiectau o fewn y tîm.
• Chwarae rhan allweddol yn y gwaith o greu Partneriaethau Chwaraeon drwy greu a meithrin perthnasoedd ar lefel strategol, gan ddylanwadu ar newid ymhlith amrywiaeth o randdeiliaid a sectorau. 
• Datblygu amrywiaeth o atebion, offer ac adnoddau arloesol a fydd yn cael effaith gadarnhaol ar anghenion datblygu gwasanaethau a phartneriaid. Bydd hyn yn cynnwys nodi enghreifftiau blaengar yn y byd, cysylltu â chyrff y tu allan i Gymru, a rheoli'r gwaith o gomisiynu gwasanaethau cefnogi.
• Cefnogi dull o wella'n barhaus, gan ddefnyddio’r gwerthusiad a'r dysgu a gasglwyd o bob rhan o Chwaraeon Cymru i sbarduno datblygiad atebion i'r heriau a'r cyfleoedd allweddol mae ein partneriaid yn eu hwynebu. 
• Sicrhau dull â’i ffocws ar atebion o weithredu er mwyn datblygu a meithrin perthnasoedd o ansawdd uchel gydag uwch arweinwyr o fewn partneriaid allanol gan sicrhau "gwerth ychwanegol" a chefnogaeth, sy'n cyfateb i anghenion partneriaid unigol, gan ddylanwadu ar eu strategaethau a'u polisïau a'u dal yn atebol am Fuddsoddiad Chwaraeon Cymru.
• Cefnogi a dylanwadu ar ddull traws-sefydliadol o weithredu gyda Phartneriaethau Chwaraeon gan ddefnyddio gwybodaeth a dysgu, ac edrych ar gyfleoedd ar gyfer datblygu ac arloesi (y tu mewn a'r tu allan i chwaraeon).
• Cyflawni cyfrifoldebau sy’n cyfrannu at ddarparu gwasanaeth rhagorol i Chwaraeon Cymru mewn perthynas â’n dyletswyddau statudol, gan gynnwys Llesiant Cenedlaethau’r Dyfodol (Cymru), Cydraddoldeb, Diogelwch Gwybodaeth, Rheoli Risg, yr Iaith Gymraeg, Diogelu, Rheoliadau Ariannol ac Iechyd, Diogelwch a’r Amgylchedd.
• Gweithio’n hyblyg gan gyflawni unrhyw ddyletswyddau eraill fel sy’n ofynnol ac yn berthnasol i’r swydd ac yn briodol i’r raddfa. Bydd hyn yn naturiol yn cynnwys defnyddio technoleg ddigidol fel rhan o’ch gwaith.

Gwerthoedd Chwaraeon Cymru

Mae ein dull o weithredu i alluogi chwaraeon yng Nghymru i ffynnu yn esblygu. Rydym wedi ymrwymo i herio ein hunain yn barhaus i wneud y canlynol: 

1. Dysgu Gyda’n Gilydd - Archwilio, profi ac adolygu yn gyson.             
2. Cyflawni Gyda’n Gilydd - Rhannu canlyniadau, meithrin perthnasoedd agored a gonest, darparu adborth cadarn, gwella perfformiad yn gyson.       
3. Dathlu Gyda’n Gilydd - Cydnabod ein llwyddiannau a rennir drwy bartneriaid effeithiol. 

Drwy wneud y canlynol: 

1. Gweithredu’n Ddidwyll - Deall a Pharchu diwylliant a gwerthoedd ein gilydd. Hybu cydraddoldeb ac amrywiaeth. 
2. Ychwanegu Gwerth - Sicrhau’r gymysgedd orau bosib o gefnogaeth, her, buddsoddiad, sgiliau ac arbenigedd i gyflawni ein canlyniadau a rennir. 
3. Annog Arloesi - Croesawu syniadau a dulliau gweithredu newydd a chefnogi uchelgais a meddwl o’r newydd. Peidio ag ofni teimlo’n anghyfforddus.

Manyleb y person