Disgrifiad Swydd - Swyddog Dylunio Gwasanaethau

Pwrpas y Swydd

Mae hwn yn gyfle newydd a chyffrous i chwarae rhan allweddol yn y Gyfarwyddiaeth Gwybodaeth Chwaraeon a Datblygu Gwasanaethau. Gan weithio ar y cyd ar draws Chwaraeon Cymru, byddwch yn rhan o’r Tîm Datblygu Gwasanaethau a Phartneriaid. 

Yn cael ei harwain gan wybodaeth, pwrpas y rôl yw cyflwyno atebion arloesol i ddiwallu anghenion partneriaid ac ymgorffori diwylliant o ragoriaeth o ran boddhad cwsmeriaid yn Chwaraeon Cymru.

Bydd y rôl yn allweddol ar gyfer y canlynol:

• Cefnogi partneriaid gyda'u heriau a'u cyfleoedd drwy eu harchwilio a dylunio, datblygu a defnyddio atebion sy'n ychwanegu gwerth.
• Arwain a chefnogi dull o ymgorffori meddylfryd profiad cwsmeriaid i sicrhau bod  Chwaraeon Cymru yn dylunio, yn datblygu ac yn defnyddio prosiectau a chynhyrchion sy'n diwallu anghenion defnyddwyr.

Dros amser bydd y meysydd gwaith yn newid fel ymateb i flaenoriaethau’r Cynllun Busnes newydd ac anghenion partneriaid, ond mae’r pwrpas yn parhau yr un fath – sicrhau bod Chwaraeon Cymru yn diwallu anghenion partneriaid drwy fod â chynhyrchion a gwasanaethau perthnasol a gwerthfawr a meddylfryd â’i ffocws ar gwsmeriaid ym mhopeth rydym yn ei wneud. 

Prif ddyletswyddau

• Darparu cefnogaeth, cyngor, arbenigedd a gwybodaeth i gyflawni blaenoriaethau allweddol y strategaeth ym maes Datblygu Gwasanaethau a Phartneriaid. Ar hyn o bryd mae rhai o'r rhain yn ymwneud â chydraddoldeb ac amrywiaeth, technoleg ddigidol, dychwelyd at chwaraeon ar ôl COVID a gwydnwch sector Chwaraeon Cymru. 
• Rheoli Prosiectau: Cydlynu a rhyng-gysylltu cynlluniau prosiect ar gyfer meysydd gwaith allweddol, gan ymgorffori egwyddorion rheoli prosiectau o fewn y tîm.
• Cefnogi gyda chreu dull o ymgorffori meddylfryd profiad cwsmeriaid yn Chwaraeon Cymru i sicrhau bod Chwaraeon Cymru yn dylunio, yn datblygu ac yn defnyddio prosiectau a chynhyrchion sy’n diwallu anghenion defnyddwyr. 
• Cefnogi partneriaid gyda'u heriau a'u cyfleoedd drwy eu harchwilio a dylunio, datblygu a defnyddio atebion sy'n ychwanegu gwerth.
• Datblygu amrywiaeth o atebion, offer ac adnoddau arloesol a fydd yn cael effaith gadarnhaol ar anghenion datblygu gwasanaethau a phartneriaid. Bydd hyn yn cynnwys nodi enghreifftiau blaengar yn y byd, cysylltu â chyrff y tu allan i Gymru, a rheoli'r gwaith o gomisiynu gwasanaethau cefnogi.
• Cefnogi dull o wella'n barhaus, gan ddefnyddio’r gwerthusiad a'r dysgu a gasglwyd o bob rhan o Chwaraeon Cymru i sbarduno datblygiad atebion i'r heriau a'r cyfleoedd allweddol mae ein partneriaid yn eu hwynebu. 
• Sicrhau dull â’i ffocws ar atebion o weithredu er mwyn datblygu a meithrin perthnasoedd o ansawdd uchel gydag uwch arweinwyr o fewn partneriaid allanol gan sicrhau "gwerth ychwanegol" a chefnogaeth, sy'n cyfateb i anghenion partneriaid unigol, gan ddylanwadu ar eu strategaethau a'u polisïau a'u dal yn atebol am Fuddsoddiad Chwaraeon Cymru.
• Cefnogi a dylanwadu ar ddull traws-sefydliadol o weithredu gyda Phartneriaethau Chwaraeon gan ddefnyddio gwybodaeth a dysgu, ac edrych ar gyfleoedd ar gyfer datblygu ac arloesi (y tu mewn a'r tu allan i chwaraeon), ac yn rhyngwladol.
• Cyflawni cyfrifoldebau sy’n cyfrannu at ddarparu gwasanaeth rhagorol i Chwaraeon Cymru mewn perthynas â’n dyletswyddau statudol, gan gynnwys Llesiant Cenedlaethau’r Dyfodol (Cymru), Cydraddoldeb, Diogelwch Gwybodaeth, Rheoli Risg, yr Iaith Gymraeg, Diogelu, Rheoliadau Ariannol ac Iechyd, Diogelwch a’r Amgylchedd.
• Gweithio’n hyblyg gan gyflawni unrhyw ddyletswyddau eraill fel sy’n ofynnol ac yn berthnasol i’r swydd ac yn briodol i’r raddfa. Bydd hyn yn naturiol yn cynnwys defnyddio technoleg ddigidol fel rhan o’ch gwaith.

Gwerthoedd Chwaraeon Cymru

Mae ein dull o weithredu i alluogi chwaraeon yng Nghymru i ffynnu yn esblygu. Rydym wedi ymrwymo i herio ein hunain yn barhaus i wneud y canlynol: 

1. Dysgu Gyda’n Gilydd - Archwilio, profi ac adolygu yn gyson.             
2. Cyflawni Gyda’n Gilydd - Rhannu canlyniadau, meithrin perthnasoedd agored a gonest, darparu adborth cadarn, gwella perfformiad yn gyson.       
3. Dathlu Gyda’n Gilydd - Cydnabod ein llwyddiannau a rennir drwy bartneriaid effeithiol. 

Drwy wneud y canlynol: 

1. Gweithredu’n Ddidwyll - Deall a Pharchu diwylliant a gwerthoedd ein gilydd. Hybu cydraddoldeb ac amrywiaeth. 
2. Ychwanegu Gwerth - Sicrhau’r gymysgedd orau bosib o gefnogaeth, her, buddsoddiad, sgiliau ac arbenigedd i gyflawni ein canlyniadau a rennir. 
3. Annog Arloesi - Croesawu syniadau a dulliau gweithredu newydd a chefnogi uchelgais a meddwl o’r newydd. Peidio ag ofni teimlo’n anghyfforddus.

Manyleb y person