Ymarferydd Datblygu Athletwyr

YMARFERYDD DATBLYGU ATHLETWYR 

YN ATEBOL I 

Arweinydd Amgylchedd / Arweinydd Ffordd o Fyw yn Perfformio 

PWRPAS Y SWYDD

Mae hwn yn gyfle cyffrous i ddylanwadu ar brofiadau datblygu athletwyr ar draws system chwaraeon Cymru. Rydyn ni eisiau cefnogi ein partneriaid i ddeall a gwella’r amgylcheddau datblygu athletwyr maent yn eu creu fel rhan o’n hymgyrch i wneud Cymru yn genedl sy’n arwain y byd o ran sut rydym yn mynd ati i ddatblygu athletwyr.

Gan weithio gyda’n partneriaid, aelodau eraill o’r tîm gwasanaethau’r system chwaraeon, a chydweithwyr ehangach yn Chwaraeon Cymru, byddwch yn gyfrifol am ddatblygu a chyflwyno prosiectau sy’n cyd-fynd â’n hegwyddorion datblygu athletwyr sydd i’w gweld YMA.

Byddwch yn cyfrannu at ein dealltwriaeth a’n dysg am y ffordd orau i ni ddatblygu athletwyr (gan ganolbwyntio'n benodol ar sut mae'r amgylchedd yn effeithio ar ddatblygiad athletwyr) nid yn unig o fewn chwaraeon unigol ond ar draws system Cymru. Byddwch yn gwneud hyn drwy weithio ar draws timau prosiect niferus a thrwy ddatblygu perthnasoedd cadarn yn fewnol ac yn allanol.

Byddwch yn defnyddio eich gwybodaeth, eich dysgu, eich chwilfrydedd a’ch angerdd i esblygu'n barhaus sut rydym yn gweithio ar brosiectau sy'n ymwneud â datblygu athletwyr.

PRIF DDYLETSWYDDAU

• Meithrin a chynnal perthnasoedd effeithiol yn fewnol ac yn allanol i alluogi cyflawni prosiectau'n effeithiol.
• Defnyddio eich gwybodaeth, eich profiad a'ch arbenigedd i ddylanwadu ar bartneriaid i gymryd rhan mewn gweithgarwch datblygu athletwyr sy'n cyd-fynd ag egwyddorion Datblygu Athletwyr Cynhwysol Chwaraeon Cymru.
• Helpu i nodi a mynegi prosiectau datblygu athletwyr a allai effeithio ar draws y system chwaraeon yng Nghymru.
• Cyd-greu, gweithredu a gwerthuso prosiectau datblygu athletwyr mewn cydweithrediad â phartneriaid gan ddefnyddio gwybodaeth ac arferion cyfredol sy'n seiliedig ar dystiolaeth.
• Sicrhau bod y broses o gyflwyno prosiectau'n bodloni amcanion Chwaraeon Cymru yn effeithiol ac yn cyfrannu at ffyrdd arloesol o ddarparu cefnogaeth i brosiectau.
• Gweithio gyda chydweithwyr a phartneriaid perthnasol i ddysgu, esblygu a datblygu arferion cyflwyno yn barhaus.
• Hyrwyddo amgylchedd a diwylliant yn Chwaraeon Cymru sy'n cefnogi diogelwch seicolegol lle mae cwestiynau a chwilfrydedd yn cael eu croesawu.
• Ar y cyd â'r Corff Rheoli Cenedlaethol partner perthnasol, cyfrannu at ein cefnogaeth i athletwyr Llwybr Safon Byd Olympaidd a Pharalympaidd sydd wedi'u lleoli yng Nghymru.
• Cadw cofnod cynhwysfawr o’r gwaith sy’n cael ei wneud gydag athletwyr, hyfforddwyr a chwaraeon gan ddefnyddio porthol prosiectau perfformiad Chwaraeon Cymru.
• Gweithio o fewn rheolau Codau Ymddygiad Proffesiynol, safonau a chanllawiau y DU a CRhC.
• Mynychu, cyfrannu at a darparu diweddariadau rheolaidd i gyfarfodydd gyda phartneriaid, cydweithwyr tîm gwasanaethau’r system chwaraeon, a rhanddeiliaid allweddol eraill.
• Perchnogi arddangos enghreifftiau o arfer da ar draws y system i gynulleidfa mor eang â phosibl, gan gydweithio’n fewnol ac yn allanol yn ôl yr angen.
• Cyflawni cyfrifoldebau sy’n cyfrannu at ddarparu gwasanaeth rhagorol i Chwaraeon Cymru mewn perthynas â’n dyletswyddau statudol, gan gynnwys Llesiant Cenedlaethau’r Dyfodol (Cymru), Cydraddoldeb, yr Iaith Gymraeg, Diogelwch Gwybodaeth, Rheoli Risg, Diogelu, Rheoliadau Ariannol ac Iechyd, Diogelwch a’r Amgylchedd. 
• Rheoli’n briodol gyllideb benodol ar gyfer cydraddoldeb, amrywiaeth a chynhwysiant fel y caiff ei dirprwyo i chi yn unol â gweithdrefnau Chwaraeon Cymru. 
• Gweithio’n hyblyg gan gyflawni unrhyw ddyletswyddau eraill fel sy’n ofynnol ac yn berthnasol i’r swydd ac yn briodol i’rraddfa.

EIN GWERTHOEDD

Mae ein dull o weithredu i alluogi chwaraeon yng Nghymru i ffynnu yn esblygu. Rydym wedi ymrwymo i herio ein hunain yn barhaus i wneud y canlynol: 

Dysgu Gyda’n Gilydd - Archwilio, profi ac adolygu yn gyson.             

Cyflawni Gyda’n Gilydd - Rhannu canlyniadau, meithrin perthnasoedd agored a gonest, darparu adborth cadarn, gwella perfformiad yn gyson.       

Dathlu Gyda’n Gilydd - Cydnabod ein llwyddiannau a rennir drwy bartneriaid effeithiol. 

Drwy wneud y canlynol: 

Gweithredu’n Ddidwyll - Deall a Pharchu diwylliant a gwerthoedd ein gilydd. Hybu cydraddoldeb ac amrywiaeth. 

Ychwanegu Gwerth - Sicrhau’r gymysgedd orau bosib o gefnogaeth, her, buddsoddiad, sgiliau ac arbenigedd i gyflawni ein canlyniadau a rennir. 

Annog Arloesi - Croesawu syniadau a dulliau gweithredu newydd a chefnogi uchelgais a meddwl o’r newydd. Peidio ag ofni teimlo’n anghyfforddus. 

MANYLEB Y PERSON