Skip to main content

Cryfder a Chyflwr

Pwrpas cryfder a chyflwr yw gwella perfformiad a lleihau’r risg o anaf drwy ddatblygu cryfder, pŵer a dygnedd cyhyrol. 

Yn Athrofa Chwaraeon Cymru, mae ein hyfforddwyr Cryfder a Chyflwr yn cydweithio fel rhan o dîm rhyngddisgyblaethol sy’n cynnwys yr athletwr, yr hyfforddwr a hefyd y staff gwyddoniaeth chwaraeon a meddygaeth chwaraeon er mwyn cyflwyno rhaglen gyfannol o gefnogaeth. 

Prif rôl yr hyfforddwr cryfder a chyflwr yw dadansoddi gofynion corfforol camp mewn perthynas â’r amcanion perfformiad, a nodi’r gofynion cryfder a chyflwr.  

Meysydd gwaith

Mae ein hyfforddwyr Cryfder a Chyflwr yn darparu amrywiaeth o wasanaethau sy’n cynnwys y canlynol: 

  • Asesiad perfformiad niwrogyhyrol
  • Cryfder, cyflymder/newid cyfeiriad ac amserlenni hyfforddi seiliedig ar ffitrwydd, yn y gampfa ac ar y cae
  • Hyfforddiant codi barbelau, ymarferion atodol a driliau ar y tir
  • Hyfforddiant cryfder craidd
  • Asesiad penodol i chwaraeon seiliedig ar symudiad

 

Ein Hardal Perfformiad Uchel Ar y Safle

Mae ein tîm Cryfder a Chyflwr wedi’i leoli yn Ardal Perfformiad Uchel Athrofa Chwaraeon Cymru, gyda’n gwasanaethau gwyddoniaeth a meddygaeth chwaraeon eraill. Mae gan yr Ardal Perfformiad Uchel offer llawn ac mae’n cynnwys llwyfannau grym. Mae ein hyfforddwyr Cryfder a Chyflwr yn gweithio hefyd gydag athletwyr a hyfforddwyr mewn lleoliadau hyfforddi penodol i chwaraeon ledled Cymru. 

Ein henw da

Mae gan ein hyfforddwyr Cryfder a Chyflwr gymwysterau MSc i gyd mewn Cryfder a Chyflwr ac mae rhai wedi’u hachredu gan UKSCA.  

Gweithio’n gyfannol 

Mae’r ymarferwyr yn Athrofa Chwaraeon Cymru’n cydweithio’n agos fel bod yr athletwyr yn cael triniaeth gyfannol. Mae’r hyfforddwyr cryfder a chyflwr yn gweithio’n agos gyda’r Ffisiolegwyr a’r Ffisiotherapyddion yn benodol. 

Chwaraeon Perfformiad Uwch - Newyddion Diweddaraf

“Dydw i ddim yn gallu aros i gael y ddraig yna ar fy mrest” – Brinn Bevan ar Birmingham 2022

Bydd Brinn Bevan yn ceisio anrhydeddu ochr ei ddiweddar dad o'r teulu a chynrychioli Cymru yng Ngemau'r…

Darllen Mwy

Dathlu pencampwyr Olympaidd a Pharalympaidd Cymru yn y Senedd

Bu dathliad yn y Senedd heno (13 Medi) er mwyn anrhydeddu llwyddiant athletwyr Olympaidd a Pharalympaidd…

Darllen Mwy

Sut gwnaeth athletwyr Cymru berfformio yng Ngemau Paralympaidd Tokyo 2020

Enillodd 21 o gystadleuwyr o Gymru gyfanswm o 14 medal i Dîm Prydain Fawr.

Darllen Mwy