Cymhwyster Hyfforddwr Cryfder a Chyflyru Lefel 3 UKSCA

CYMERADWYAETH - MARK EARLE, JIWDO CYMRU

Beth yn eich barn chi oedd yr effaith arnoch chi o fynd drwy'r cwrs - beth ydych chi'n bwriadu ei gynnwys yn eich gwaith o ddydd i ddydd?

Yr effaith fwyaf gafodd y cwrs arnaf i oedd pwysigrwydd cynnwys a gweithredu sgiliau symud sylfaen o ansawdd da yn gywir. Rydw i wedi gweld llawer o anafiadau cronig yn datblygu mewn athletwyr yng nghamau diweddarach eu gyrfaoedd jiwdo ac rydw i’n cydnabod y bydd datblygu sgiliau symud a thechneg dda yn lleihau'n sylweddol y tebygolrwydd y bydd hyn yn broblem yng nghamau diweddarach datblygiad athletwyr.

Beth wnaethoch chi ei werthfawrogi fwyaf am y cwrs? Unrhyw beth sy'n ei wneud yn wahanol i gyrsiau eraill roeddech chi wedi'u hystyried?

Roeddwn i’n gwerthfawrogi sawl peth am y cwrs, Yn gyntaf, rydw i'n hoffi'r ffordd y cafodd ei gyflwyno. Roedd yn amlwg bod arweinwyr y cwrs yn awyddus ac yn llawn cymhelliant i fy helpu i drwy'r cwrs. Roedden nhw ar gael ac yn ymateb i gefnogi gydag ateb cwestiynau a darparu gwybodaeth berthnasol. Rydw i'n meddwl mae'n debyg mai dyma'r tro cyntaf iddyn nhw gyflwyno'r cwrs yma felly roedd yna adegau pan oedden nhw'n dweud yn agored y bydden nhw’n dod yn ôl ataf i ynghylch rhai cwestiynau oedd gen i. Roedd y llyfr Sylfeini Cryfder a Chyflyru wedi'i strwythuro'n dda ac roedd y ffordd roedd yr aseiniadau’n fy arwain i drwy'r llyfr yn ddefnyddiol iawn ac yn rhesymegol.

A fyddech chi'n ei argymell i hyfforddwyr eraill, ac os felly, pam?

Fe fyddwn i’n argymell y cwrs yma i hyfforddwyr eraill oherwydd rydw i’n meddwl ei fod yn rhoi gwybodaeth sylfaenol am gryfder a chyflyru i hyfforddwyr cyrff rheoli sy’n galluogi sgyrsiau yn y dyfodol gyda hyfforddwyr Cryfder a Chyflyru arbenigol UK Sport, i siarad ar lefel uwch sydd, yn y pen draw, yn cael mwy o effaith ar ddarpariaeth well i'r athletwyr.