Mae bwyd yn gallu gwneud i ni deimlo’n well ond gall gael effaith negatif hefyd.
Mae sicrhau eich bod yn bwyta deiet briodol wedi cael mwy o sylw yn ystod y cyfyngiadau symud.
Dyma ein cyngor call ni ar gyfer cael y manteision gorau o’ch bwyd, gan ein Maethegydd Perfformiad Felicity Hares.
Os byddwch chi’n gadael cyfnodau hir rhwng prydau, neu ddim yn ychwanegu byrbrydau bach, bydd eich lefelau egni yn gostwng. Bryd hynny, fe fyddwch yn fwy agored i wneud dewisiadau afiach am fwyd.
Gwnewch yn siŵr eich bod yn paratoi ar gyfer y diwrnod, gan gynllunio byrbrydau iach a chael egni rheolaidd er mwyn i’ch ymennydd weithio.
Ni fydd un math o fwyd sy’n cael ei ystyried fel ‘super-food’ yn gwneud gwahaniaeth. Rhaid cael cymysgedd o lawer o wahanol fitaminau a mwynau er mwyn gwella swyddogaeth eich ymennydd.
Hefyd meddyliwch am y bwyd sy’n gallu cael dylanwad negatif ar eich hwyliau chi, fel caffein, alcohol a byrbrydau siwgr. Ni fydd y cynnydd mewn egni’n para’n hir.
Cael perthynas iach gyda bwyd heb ei ddefnyddio fel gwobr. Os oes gennych chi berthynas bositif gyda bwyd, bydd hyn yn cael effaith bositif ar eich hwyliau.
Am fwy o gyngor a help, edrychwch ar yr ymgyrch #CymruActif: https://www.sport.wales/beactivewales/mental-health-and-wellbeing/
Darganfyddwch sut mae cymunedau lleol wedi dod at ei gilydd i gefnogi tri chlwb criced i godi arian…
Mae Clwb Pêl Droed Clarbeston Road yn gwneud cyfraniad pwysig at fioamrywiaeth leol ar ôl plannu dôl…
Mae chwech allan o’r deg menyw sydd wedi cael eu dewis i rasio dros garfan beicio trac Tîm Prydain Fawr…