Gymry, Byddwch Actif – Rydyn Ni Yma i’ch Cefnogi Chi
Mae pob mis Ionawr fel rheol yn creu ymdeimlad newydd o optimistiaeth wrth i bobl geisio gosod nodau, meithrin arferion newydd ac, yn aml iawn, rhoi egni o’r newydd yn eu trefn ymarfer corff.
Wrth gwrs, mae'r Flwyddyn Newydd hon yn un wahanol iawn. Ond mae bod yn actif er budd eich iechyd corfforol a meddyliol yn parhau i fod yn hollbwysig.
Roedd ymgyrch Cymru Actif Chwaraeon Cymru – sy’n cael ei chefnogi gan bartneriaid ar draws sector chwaraeon Cymru – yn ysbrydoliaeth i gael y genedl i symud yn ystod cyfyngiadau symud y gwanwyn diwethaf, a'i nod yw gwneud yr un peth y tro hwn, er gwaethaf tywydd y gaeaf, gan roi her ychwanegol.
Er bod canolfannau hamdden a champfeydd ar gau, a gweithgareddau clybiau wedi’u gohirio, nod yr ymgyrch yw eich cymell a'ch cefnogi chi drwy dynnu sylw at amrywiaeth o opsiynau ymarfer corff eraill. Dilynwch yr hashnod #CymruActif a chael eich ysbrydoli i ddilyn ymarferion ar-lein, codi rhai syniadau ar gyfer ymarfer sgiliau chwaraeon gartref, neu ddysgu mwy ynghylch pam mae gweithgareddau penodol yn dda i chi.
