Skip to main content

Grŵp Chwaraeon Cenedlaethol wedi'i sefydlu ar gyfer y cam nesaf wrth ddychwelyd

  1. Hafan
  2. Newyddion, Straeon a Digwyddiadau
  3. Newyddion, Erthyglau ac Ymgyrchoedd
  4. Grŵp Chwaraeon Cenedlaethol wedi'i sefydlu ar gyfer y cam nesaf wrth ddychwelyd

Bydd Grŵp Chwaraeon Cenedlaethol (NSG) newydd yn rheoli'r broses o ddynodi statws elitaidd ar gyfer dychwelyd pwyllog a graddol at chwaraeon grŵp a thîm cystadleuol. 

Yn dilyn y cyfnod atal byr diweddar, rhoddodd newidiadau i reoliadau Coronafeirws Llywodraeth Cymru gyfrifoldeb i Chwaraeon Cymru am ystyried gwneud dynodiadau pellach i alluogi i fwy o chwaraeon tîm trefnus gael eu chwarae yn yr awyr agored lle mae 30 fel nifer y bobl sy’n gallu dod at ei gilydd wedi bod yn cyfyngu. 

Mae’r rheoliadau’n dweud y dylid gwneud hyn dan reolaeth a fesul cam gyda chanllawiau clir ar waith gan gyrff rheoli chwaraeon i warchod pawb sy'n cymryd rhan.

 

Er mwyn sicrhau bod y broses ddynodi hon yn cael ei goruchwylio a'i llywodraethu'n briodol, mae Chwaraeon Cymru wedi sefydlu'r NSG. Bydd y grŵp hwn yn cynnwys cynrychiolwyr o Chwaraeon Cymru, Cymdeithas Chwaraeon Cymru, Cyngor Gemau'r Gymanwlad yng Nghymru a Llywodraeth Cymru.

Yn ddelfrydol dylid gwneud ceisiadau i’r grŵp drwy’r corff rheoli cenedlaethol. Agorodd y broses ymgeisio ddydd Iau 19eg Tachwedd.

Bydd yr amser rhwng gwneud y cais a’r penderfyniad yn dibynnu ar bob cais unigol a graddfa'r wybodaeth sydd ei hangen i sicrhau dadansoddiad trylwyr o'r cyflwyniad.

Beth ddylai fod yn sail i geisiadau?

Wrth geisio dynodiad, rhaid i'r ymgeisydd ddangos pam mae'n angenrheidiol a pha gyfyngiadau yn rheolau cenedlaethol y coronafeirws sy'n atal y gweithgaredd rhag digwydd heb yr eithriad y mae dynodiad statws elitaidd yn ei ddarparu. 

Wrth geisio dynodiad, rhaid dangos ei fod yn angenrheidiol er mwyn sicrhau’r canlynol: 

  • nad yw athletwyr o dan anfantais gystadleuol oherwydd rheolau cenedlaethol y coronafeirws;
  • cyfle cyfartal i athletwyr, gan gynnwys y rhai nad ydynt yn cael eu cynrychioli'n dda neu sydd o dan anfantais, i gystadlu ar y lefelau uchaf yn eu camp;
  • nid yw athletwyr sy'n ennill bywoliaeth o chwaraeon o dan anfantais ariannol oherwydd rheolau cenedlaethol y coronafeirws.

Rhaid i geisiadau nodi nifer yr athletwyr y ceisir y dynodiad ar eu cyfer, y math o ryngweithio a'r amgylchedd y byddai'r athletwyr yn hyfforddi neu'n cystadlu ynddo, a'r mesurau rhesymol a fyddai'n cael eu gweithredu i leihau’r risg o ddal a throsglwyddo'r coronafeirws, gan gynnwys ymgynghoriad a chytundeb perthnasol gyda darparwyr cyfleusterau/lleoliadau.

Nid oes hawl i gael y statws dynodedig perthnasol. Mae'n ymarfer barn sy'n seiliedig ar ganllawiau sy'n bodoli eisoes ac unrhyw gyngor y gallai'r grŵp ei geisio gan Lywodraeth Cymru a/neu Iechyd Cyhoeddus Cymru.

Bydd diweddariadau’n cael eu darparu pan fyddant ar gael. 

Newyddion Diweddaraf

Sioe deithiol ysgolion Tîm Cymru yn ysbrydoli’r genhedlaeth nesaf

Ers mis Medi, mae athletwyr wedi ymweld â 167 o ysgolion i annog pobl ifanc i fyw bywyd actif.

Darllen Mwy

Cymdeithas Ju Jitsu Prydain i barhau fel corff rheoli cenedlaethol ar gyfer y gamp yn y DU

Bydd Cynghorau Chwaraeon y Gwledydd Cartref yn parhau i gydnabod Cymdeithas Ju Jitsu Prydain.

Darllen Mwy

Athletau wedi rhoi cymaint mwy na medalau i James Ledger

Roedd James yn poeni efallai nad oedd chwaraeon yn addas iddo, ond mae nawr yn gobeithio gwisgo fest…

Darllen Mwy