Pwrpas
Ychydig iawn rydym yn ei ddeall am yr heriau presennol sy'n atal unigolion yng Nghymru rhag symud o gyfranogiad yn yr ysgol a / neu ar lawr gwlad mewn chwaraeon i lwybr chwaraeon cydnabyddedig.
Felly, roedd y prosiect a ganlyn yn ceisio deall beth sy’n atal pobl ifanc 11 i 16 oed ar hyn o bryd rhag symud ymlaen o gyfranogiad ysgol neu ar lawr gwlad i lwybr a gydnabyddir gan Gorff Rheoli yng Nghymru?
Dull
Roedd y prosiect yn ffafrio dull ansoddol o weithredu, gan ddefnyddio grwpiau ffocws a dulliau creadigol i ddeall siwrnai'r cyfranogwyr drwy chwaraeon a’r gefnogaeth sydd arnynt ei hangen, y rhwystrau roeddent wedi’u hwynebu ac yn debygol o ddod ar eu traws wrth symud drwy’r llwybr chwaraeon, a’u gwybodaeth am lwybrau chwaraeon penodol.
Defnyddiwyd Arolwg Chwaraeon Ysgol 2022 i adnabod cyfranogwyr posibl, a chyflwynwyd 25 o grwpiau ffocws, gan siarad â mwy na 125 o gyfranogwyr gwrywaidd a benywaidd ar lawr gwlad, ar draws wyth ysgol, pum rhanbarth, tri chwartel prydau ysgol am ddim, a chwe chategori chwaraeon.
Canlyniadau
Cyfeiriodd y cyfranogwyr at nifer o rwystrau ymddangosiadol sydd ar hyn o bryd neu o bosibl yn atal eu cynnydd ar hyd llwybr chwaraeon cydnabyddedig. Trefnwyd y rhwystrau o dan y themâu a'r is-themâu canlynol:
