Profiadau Annymunol | |||
| Ystyriaeth | Pa mor feddwl agored ydych chi am y dull cyflwyno? | Oes gennych chi wybodaeth ynglŷn â pha fath o weithgaredd a phrofiadau y mae pobl ifanc â photensial chwaraeon eisiau cymryd rhan ynddynt ac y maent fwyaf tebygol o ymateb iddynt? | Sut gallwch chi greu amgylchedd ar draws eich llwybr lle mae athletwyr yn teimlo y gallant siarad yn agored am sut maent yn teimlo / yr heriau maent yn eu hwynebu? |
| Yn Ymarferol | Mae bod â meddwl agored yn ystyried efallai na fydd model cyflwyno traddodiadol yn cyffroi nac yn ysbrydoli’r genhedlaeth nesaf o athletwyr llwybr. Mae dull cyflwyno meddwl agored yn ystyried nifer, ansawdd ac amrywiaeth briodol o brofiadau o ran hwyl, hyfforddiant a chyfleoedd cystadlu. Mae'n ddigon hyblyg i ddiwallu anghenion unigol am her, cefnogaeth a mwynhad. | Mae gwrando ar leisiau a phrofiadau byw pobl ifanc yn hanfodol i ddeall y ffordd orau o wella'r llwybr chwaraeon, ac wrth gynllunio newidiadau ac ymyriadau priodol. Mae rhoi’r cyfranogwr wrth galon y ffordd o feddwl yn bodloni’r cyfeiriad cenhedlaeth a diwylliannol wrth symud tuag at fwy o ffocws ar berthnasoedd personol. Bydd hyn yn llywio dulliau cyflwyno sy'n ddeniadol, yn hygyrch, yn bleserus ac yn cefnogi datblygiad athletwyr yn y tymor hir. | Dylai unigolion allu mynegi eu gwir hunan heb ofni barn, a theimlo eu bod yn perthyn waeth beth fo'u cefndir. Gall hyn fod mor syml â chreu mannau corfforol, rhithwir a chymdeithasol o fewn yr amgylchedd sy'n galluogi athletwyr i ryngweithio ag eraill, datblygu perthnasoedd personol a ffrwyno ymdeimlad o gymuned. |
Blaenoriaethau Cystadleuol | |||
| Ystyriaeth | Pa mor hyblyg yw eich darpariaeth yn seiliedig ar anghenion gwahanol athletwyr a gofynion sy'n cystadlu â'i gilydd ? | Ydi eich hyfforddwyr a'r bobl sy'n gwneud penderfyniadau yn dangos empathi tuag at yr heriau a'r cyfrifoldebau sydd gan bobl ifanc y tu allan i'w camp? | Oes gan eich llwybr perfformiad a'ch rhaglen bwyntiau mynediad / gadael niferus i ddarparu ar gyfer y gwahanol lwybrau y gall athletwyr eu cymryd wrth iddynt wneud cynnydd ar eu siwrnai chwaraeon ac addysgol? |
| Yn Ymarferol | Dylai athletwyr deimlo'n gyfforddus yn bod yn agored amdanynt eu hunain waeth beth fo'r goblygiadau ymddangosiadol o ran “ymrwymiad” a “hyfforddiant caled”. Os yw'n gyfnod Ramadan, efallai y bydd angen i athletwr sy'n ymprydio addasu ei amserlen hyfforddi. Os yw athletwr yn dymuno canolbwyntio ar arholiad sydd i ddod, efallai y bydd angen iddo addasu ei ofynion hyfforddi. Mae bod yn agored ac yn hyblyg i ddiwallu anghenion a gofynion cystadlu o fudd i bawb fel rheol yn y tymor hwy. | Mae cael sgyrsiau gydag athletwyr am eu bywydau y tu allan i chwaraeon yn helpu i greu dealltwriaeth ac empathi o'r heriau a'r cyfrifoldebau maent yn eu hwynebu. Bydd trafodaethau hefyd yn helpu i dynnu sylw at a oes angen mwy o gefnogaeth ar athletwr i reoli tasgau a chyfrifoldebau ei fywyd bob dydd. Mae pob parti yn cydnabod ac yn gwerthfawrogi y gall chwaraeon fod â rhan enfawr i'w chwarae wrth ddatblygu'r person, yn ogystal â'r perfformiwr. | Mae ‘da’ yn edrych yn debycach i gyfleoedd lluosog, llygaid lluosog, a chyd-destunau lluosog yn hytrach nag un cyfle dethol y flwyddyn yn unig yn seiliedig ar ganlyniadau cystadleuaeth neu fetrigau perfformiad yn unig. Ni ellir gorbwysleisio pwysigrwydd gosod neu ryddhau empathetig a chyfrifol. Dylai cynllunio’r pontio y mae athletwr yn debygol o’i brofi (e.e. sefydlu, cyd-destun athletwr unigol a chynlluniau datblygu personol, strategaethau gadael) gael ei ystyried yn aml a’i ddatblygu’n barhaus. |
Heriau Logistaidd | |||
| Ystyriaeth | Ydych chi'n mynd ati i ystyried hygyrchedd cyfleoedd i oresgyn heriau logistaidd?
| Ydych chi'n darparu'r wybodaeth ddiweddaraf i athletwyr / rhieni / addysgwyr i godi ymwybyddiaeth o gyfleoedd hygyrch? | Ydych chi'n gwerthuso'n barhaus effaith anghydraddoldeb mynediad at lwybr / cynnydd a'r goblygiadau ar gyfer methu tyfu ac arallgyfeirio eich cronfa dalent? |
| Yn Ymarferol | Ystyried daearyddiaeth gweithgaredd hyfforddi a llwybrau yn ofalus a’i effaith ar gynnydd athletwyr o bob rhan o Gymru – cyfle i ddatblygu cyfuniad o ddarpariaeth leol, ranbarthol a chenedlaethol i ddiwallu anghenion athletwyr, goresgyn heriau logistaidd, a chael gwared ar unrhyw deithio ychwanegol y gellir ei osgoi. | Darparu cymaint o wybodaeth â phosibl, cyn gynted â phosibl; popeth o leoliadau gweithgareddau hyfforddi a llwybrau ac opsiynau trafnidiaeth posibl, i fanylion ymlaen llaw am y costau ariannol dan sylw a manylion y ffynonellau o gefnogaeth sydd ar gael. | Er mwyn creu system sy’n gynhwysol ac sy’n galluogi pawb i gyflawni eu potensial, dylech wybod pwy sydd yn eich llwybr a phwy yw eich cyfranogwyr ehangach er mwyn i chi allu ystyried a deall yn barhaus y rhwystrau sy’n atal athletwyr rhag gwneud cynnydd. Bydd yr wybodaeth hon yn eich helpu i arbrofi gyda'ch model cyflwyno a chefnogi i ddenu cyfranogwyr, datblygu athletwyr yn eich llwybr a chynyddu eich cronfa dalent. |
Absenoldeb Sgiliau Ymdopi | |||
| Ystyriaeth | Ydi eich llwybrau, eich sesiynau a'ch hyfforddwyr yn ceisio datblygu'r person a'i sgiliau ehangach, yn ogystal â pherfformiad? | Sut gallech chi fynd ati i weithio gyda mwy o athletwyr dros gyfnodau estynedig er mwyn deall potensial athletwyr yn well? | Oes gwybodaeth ar gael i athletwyr / hyfforddwyr / rhieni i'w helpu i ymdopi â digwyddiadau dan bwysau a rheoli anawsterau posibl? |
| Yn Ymarferol | Ymgorffori dull datblygu sy'n datblygu'r person cyfan, gan gefnogi eu datblygiad personol ochr yn ochr â'u hyfedredd technegol a chwaraeon. Byddwch yn glir ynghylch pa sgiliau a nodweddion a ddatblygir fel rhan o raglen gweithgarwch a pherfformiad y llwybr. Gall hyn fod yn ddeniadol iawn i gyfranogwyr. | Strwythurwch eich llwybr i gefnogi a chanolbwyntio ar ddatblygiad hirdymor yr athletwyr yn hytrach na llwyddiant cynnar. Ystyriwch wneud gwaelod y llwybr yn fwy, gan gynnwys rhaglenni mynediad agored, gosod llai o ofynion dethol ar athletwyr iau, a defnyddio mwy na dim ond mesurau canlyniadau perfformiad a meini prawf traddodiadol i wneud penderfyniadau dethol. | Cydweithio ar draws grwpiau rhanddeiliaid i nodi sbardunau straen unigol a darparu cyfleoedd i feithrin sgiliau ymdopi sy’n benodol i ddigwyddiad. Cefnogi rhanddeiliaid i bennu lefel optimal o her wrth ddarparu dewisiadau ac nid bygythiadau i athletwyr. |
Canfyddiadau Anffafriol | |||
| Ystyriaeth | Yn eich barn chi, beth yw'r canfyddiad allanol o'ch llwybr chwaraeon a pherfformiad? | Pa mor hawdd yw eich llwybr i’w ddeall, yn enwedig i’r rhai sy’n newydd i gymuned eich camp? | Ydi’r holl wybodaeth berthnasol sy’n ymwneud â’ch Llwybr ar gael yn hawdd drwy ddulliau amrywiol a phriodol ar gyfer amrywiaeth o gynulleidfaoedd (e.e., athletwyr, rhieni a hyfforddwyr)? |
| Yn Ymarferol | Heriwch siarad gwag drwy rannu manylion clir ac ymlaen llaw am y costau ariannol cysylltiedig i roi stop ar ganfyddiadau di-sail bod eich camp yn gymharol rad neu ddrud o gymharu ag eraill. Rhannwch wybodaeth yn agored am gyfleoedd datblygu ac opsiynau gyrfa, hyfforddi neu wirfoddoli tymor hwy o fewn eich camp. | Ewch ati i greu llwybr gweledol sy’n hawdd i bawb ei ddeall, yn enwedig y rhai nad oes ganddynt unrhyw wybodaeth gefndir am eich camp, na hanes yn eich camp. Os oes treialon neu brosesau dethol, rhannwch yn agored yr hyn maent yn ei gynnwys a sut byddant yn cael eu cynnal yn ymarferol. Chwiliwch am ‘hyrwyddwyr’ mewn clybiau, ysgolion a lleoliadau cymunedol eraill a all helpu i gyfeirio a chynyddu ymwybyddiaeth a dealltwriaeth. | Sicrhau bod yr holl wybodaeth berthnasol sy’n ymwneud â’r llwybr, fel elfennau gweledol y llwybr, camau’r llwybr, prosesau dethol ac ati ar gael yn rhwydd ac yn hawdd i’w darllen drwy ddulliau priodol (e.e. gwefan, cyfryngau cymdeithasol, posteri / llyfrynnau mewn clybiau, ysgolion a lleoliadau cymunedol eraill) ar gyfer amrywiaeth o gynulleidfaoedd. |
