Dadansoddi Perfformiad

Meysydd gwaith

Fel dadansoddwyr, rydyn ni’n gweithio drwy gylch darparu sy’n cael ei ailadrodd yn gyson i sicrhau’r effaith orau posib: 

• Deall perfformiad – adnabod gofynion a dangosyddion perfformiad allweddol y gamp
• Monitro hyfforddiant – casglu a monitro data o ddydd i ddydd
• Cyn Cystadlu – Dadansoddi gwrthwynebwyr, dewis a montages
• Wrth Gystadlu – adborth fideo a dadansoddiad technegol
• Dadansoddiad ar ôl digwyddiad – adrodd yn ôl ar ddadansoddiad technegol a thactegol

Mae’r holl ddata sy’n cael eu casglu’n cael eu troi’n weledol gan ein dadansoddwyr er mwyn sicrhau eu bod yn helpu yn hytrach nag yn drysu penderfyniadau a gallant gael eu defnyddio i ragweld perfformiad yn y dyfodol hyd yn oed. 

Ein henw da

Mae ein dadansoddwyr ni i gyd wedi cael eu hachredu gan ISPAS (y Gymdeithas Ryngwladol ar gyfer Dadansoddi Perfformiad Chwaraeon) ac mae ganddynt dystysgrifau cynghorydd UKAD diweddar. Mae aelodau’r tîm wedi cael eu dewis ar gyfer swyddogaethau mewn cystadlaethau mawr, gan gynnwys Gemau’r Gymanwlad a’r Gemau Olympaidd, a Phencampwriaethau Ewropeaidd. 

Gweithio’n gyfannol

Mae’r tîm Dadansoddi Perfformiad yn cydweithio â’r holl ddisgyblaethau. Mae’r holl ymarferwyr yn edrych ar fideos. Mae hyn yn galluogi cyfathrebu cadarn rhwng ymarferwyr gan sicrhau dull cyfannol o weithredu wrth wella perfformiad.