Meysydd gwaith

Mae ein diben cyffredinol yn seiliedig ar ein gallu i feithrin perthnasoedd sy’n galluogi i ni gysylltu’n well â’r campau, yr hyfforddwyr a’r athletwyr.  

Mae hyn yn galluogi i ni gyflawni ein gwerthoedd craidd: 

  • Paratoi’n Gorfforol

Mae Ffisiotherapyddion yn gweithio’n agos gyda hyfforddwyr Cryfder a Chyflwr er mwyn proffilio athletwyr ac i gael gwybodaeth am eu gallu o ran cryfder a symudiad. Mae hyn yn cael hwb gan amgylchedd agored sy’n hybu gweithio integredig.  

  • Rheoli anafiadau a lleihau risg 

Ochr yn ochr â phroffilio, bydd Ffisiotherapyddion yn adlewyrchu ar ddata cyfredol a blaenorol am anafiadau ym mhob camp. Hefyd byddant yn adlewyrchu ar fonitro dyddiol ar athletwyr er mwyn gallu canfod tueddiad o anaf a pharatoi athletwyr i leihau risg. 

  • Os oes anafiadau, bydd ein Ffisiotherapyddion yn asesu’n glinigol, yn rhoi diagnosis ac yn cynllunio strategaethau adfer arloesol fel bod yr athletwyr yn gallu dychwelyd at berfformio’n llawn.  

Ein henw da

Mae ein tîm Ffisiotherapi wedi cymryd rhan mewn gemau aml-chwaraeon mawr, gan gynnwys Gemau Olympaidd a Chymanwlad a Phencampwriaethau Byd. Maent yn glinigwyr hynod brofiadol sy’n deall beth sydd ei angen i berfformio ar y lefel uchaf.  

Mae ein Ffisiotherapyddion i gyd yn aelodau o’r Gymdeithas Ffisiotherapi Siartredig ac wedi cofrestru gyda’r Cyngor Proffesiynau Iechyd a Gofal.  

Gweithio’n gyfannol

Mae ein Ffisiotherapyddion yn cydweithio â’r holl ddisgyblaethau yn yr adran Gwyddoniaeth a Meddygaeth Chwaraeon, gan sicrhau dull cyfannol o weithredu yn gysylltiedig â phob athletwr.  

Chwilio Sefydliad Chwaraeon Cymru

Athrofa Chwaraeon Cymru

Ein gwasanaeth o safon byd yn darparu cyngor i athletwyr.

Darllen Mwy