Adele Nicoll – Yr athletwraig amryddawn sy’n methu rhoi’r gorau i roi cynnig ar wahanol chwaraeon

Drwy wneud hynny, sicrhaodd Adele ei bod yn rhagori ar ddau gystadleuydd gorau’r Deyrnas Unedig gan sichrau safle’r fedal aur ar bodiwm y bencampwriaeth.

Roedd yr emosiwn o ddod yn bencampwraig Prydain yn enfawr, ond felly hefyd y wefr o gael gwybod y byddai'n cystadlu dros Gymru yn ei Gemau Cymanwlad cyntaf.

“Rydw i newydd roi cymaint o flynyddoedd o waith caled i mewn i hyn. Mae llawer o isafbwyntiau wedi bod ar hyd y ffordd.

“Mae hynny mor emosiynol ac mor heriol yn feddyliol – dal ati bob tro ar ôl wynebu ergyd galed.

“Rydw i mor falch ohono i fy hun am ddod yn ôl bob tro ac wedyn profi ’mod i’n deilwng o'r lle yma.

“Mae pobl yn gofyn i mi beth ydi’r cyflawniad rydw i falchaf ohono. Yn amlwg, mynd i’r Gemau Olympaidd fel rhan o Dîm Prydain Fawr ac ennill medal arian yng Nghwpan y Byd yn y bobsled – mae’r rhain yn fomentau anhygoel.

“Ond dim ond ers rhai blynyddoedd ydw i wedi bod yn ymwneud â bobsled, rydw i wedi bod yn gobeithio am gystadlu yn y Gemau Cymanwlad dros Gymru er pan oeddwn i tua naw neu 10 oed.

“Roedd yn gyflawniad enfawr i mi ac roedd yn golygu popeth.”

Mae Adele hefyd yn awyddus i drosglwyddo ei sgiliau athletau i ieuenctid canolbarth Cymru sydd eisiau bod yn rhan o’r byd trac a chae.   

Mae’r gyn-fyfyrwraig ym Mhrifysgol Metropolitan Caerdydd yn cynnal gwersyll hyfforddi haf i bobl ifanc rhwng pump a 18 oed yn Ysgol Uwchradd y Trallwng rhwng Awst 30 a Medi 2.

“Y cyngor gorau o fy mhrofiad i mewn chwaraeon yw i bobl ifanc fod y fersiwn gorau ohonyn nhw eu hunain a pheidio â phoeni am eraill.

“Rydw i’n meddwl, beth bynnag rydych chi’n ei fwynhau’n naturiol a beth bynnag rydych chi’n ei wneud orau, yna dylech chi weithio ar eich cryfderau a pheidio â cheisio bod yn rhywun arall, na cheisio bod yn athletwr gwahanol.

“Rydw i’n meddwl fy mod i wedi treulio llawer o amser yn meddwl, ‘O, mam bach, mae rhai o’r merched yma gymaint yn fwy, gymaint yn gryfach, mae angen i mi dyfu, cryfhau.’

“Ond mewn gwirionedd, pan ddaeth hynny i ben, fe ddechreuodd fy nghryfderau i ddangos trwodd eto, sef y cyflymder a’r pŵer.

“Dydw i byth yn mynd i fod mor fawr a chryf â rhai pobl eraill yn y taflu, ond dydyn nhw byth yn mynd i fod mor gyflym ag ydw i.”