Cronfa Cymru Actif

Am y Gronfa   

Mae Cronfa Cymru Actif yn grant sy’n cael ei gefnogi gan y Loteri Genedlaethol. Mae’n cyllido clybiau chwaraeon a grwpiau cymunedol nid-er-elw ledled Cymru. Gallwch wneud cais am grantiau rhwng £300 a £50,000 i gael mwy o bobl i gymryd rhan mewn chwaraeon.

Ar gyfer beth allwch chi gael cyllid? 

Gall Cronfa Cymru Actif gefnogi pethau fel:

• Offer i helpu mwy o bobl i gymryd rhan mewn chwaraeon
• Cyrsiau hyfforddi (hyd at lefel 2) sy'n uwchsgilio hyfforddwyr a gwirfoddolwyr
• Cyrsiau hyfforddi lefel mynediad, fel Cymorth Cyntaf neu Ddyfarnu.
• Llogi lleoliad ar gyfer timau newydd yn unig (am uchafswm o ddeg wythnos)
• Prosiectau gwella caeau

Dyma fwy o wybodaeth am beth sy’n gallu cael cyllid.

Pryd allwch chi wneud cais?

Mae tri chyfle i wneud cais:

Ffenest 1

• Dyddiad Agor: Dydd Mercher 2il Ebrill 2025 (9am)
• Dyddiad Cau Datgan Diddordeb: Dydd Gwener 30ain Mai 2025 (9am)
• Dyddiad Cau: Dydd Mercher 4ydd Mehefin 2025 (4pm)

Diweddariad: Oherwydd y nifer fawr o geisiadau a dderbyniwyd yn Ffenest 1, mae'r penderfyniadau'n cymryd mwy o amser na'r disgwyl. Rydyn ni'n rhagweld y bydd y penderfyniadau cyllido'n cael eu gwneud yn ystod yr wythnosau nesaf. Diolch i chi am eich amynedd a'ch dealltwriaeth.

Ffenest 2

• Dyddiad Agor: Dydd Mercher 9fed Gorffennaf 2025 (9am)
• Dyddiad Cau Datgan Diddordeb: Dydd Gwener 12fed Medi 2025 (9am)
• Dyddiad Cau: Dydd Mercher 17eg Medi 2025 (4pm)

Ffenest 3

• Dyddiad Agor: Dydd Mercher 5ed Tachwedd 2025 (9am)
• Dyddiad Cau Datgan Diddordeb: Dydd Gwener 9fed Ionawr 2026 (9am)
• Dyddiad Cau: Dydd Mercher 14eg Ionawr 2026 (4pm)

Dim ond un cais llwyddiannus allwch chi ei gael ar draws y tair ffenest.

Cofiwch: Gall y ffenestri ceisiadau gau yn gynnar neu newid yn dibynnu ar nifer y ceisiadau sy’n cael eu derbyn.

Os ydych chi wedi methu'r dyddiad cau ar gyfer y ffenest gyfredol, does dim rhaid i chi aros nes bod y ffenest nesaf yn agor - fe allwch chi gyflwyno eich Datganiad o Ddiddordeb ar unrhyw adeg, a bydd yn cael ei drosglwyddo'n awtomatig i'r rownd gyllido nesaf.

Pwy all wneud cais?

Gall clybiau chwaraeon neu grwpiau cymunedol nid-er-elw yng Nghymru wneud cais i Gronfa Cymru Actif.
I fod yn gymwys, rhaid i'ch prosiect chi fodloni’r pwyntiau yma:

• Bod yn digwydd yng Nghymru ac yn bennaf ar gyfer pobl sy'n byw yng Nghymru
• Heb ddechrau eto
• Peidio â chynnwys unrhyw beth sydd eisoes wedi'i brynu
• Dangos sut bydd yn helpu mwy o bobl i gymryd rhan mewn chwaraeon

Ar gyfer beth allwch chi gael cyllid?

Gall Cronfa Cymru Actif gefnogi pethau fel:

• Offer i helpu mwy o bobl i gymryd rhan mewn chwaraeon
• Cyrsiau hyfforddi (hyd at lefel 2) sy'n uwchsgilio hyfforddwyr a gwirfoddolwyr
• Cyrsiau hyfforddi lefel mynediad, fel Cymorth Cyntaf neu Ddyfarnu.
• Llogi lleoliad ar gyfer timau newydd yn unig (am uchafswm o ddeg wythnos)
• Prosiectau gwella caeau

Dyma fwy o wybodaeth am beth sy’n gallu cael cyllid.

Sut i Wneud Cais?

1. Llenwi’r Ffurflen Mynegi Diddordeb

• Llenwch y ffurflen ar-lein i ddweud mwy wrthym ni am eich prosiect.
• Cyflwynwch y ffurflen 5 diwrnod o leiaf cyn dyddiad cau'r ffenest.

2. Derbyn cadarnhad

• Byddwn yn ceisio ymateb o fewn 2 ddiwrnod gwaith gyda'r camau nesaf.

3. Cael cefnogaeth

• Gofynnwch i gorff rheoli eich camp, tîm datblygu chwaraeon lleol neu sefydliadau cefnogi eraill am arweiniad.

4. Cyflwyno eich cais llawn

• Casglwch yr holl fanylion a’r dogfennau a gwneud cais cyn y dyddiad cau.
• Gallwch wneud cais yn y Gymraeg neu yn Saesneg – bydd y ddwy iaith yn cael eu trin yn gyfartal.

Darllenwch ein telerau ac amodau ar gyfer grantiau cyn gwneud cais.

Sut mae cyllid yn cael ei ddyfarnu?

Mae'r gronfa’n dyfarnu grantiau rhwng £300 a £50,000. Rhaid i'ch clwb chi gyfrannu 10% o leiaf o gyfanswm cost y prosiect.

Dadansoddiad o’r cyllid:

• £300 - £25,000: Bydd Chwaraeon Cymru yn cyllido hyd at 90% o gostau'r prosiect. Byddwch chi yn cyllido’r gweddill.
• £25,001 - £50,000: Bydd Chwaraeon Cymru yn cyllido hyd at 80% o gostau'r prosiect. Byddwch chi yn cyllido’r gweddill..

Mae’n bosibl mai dim ond 50% o’r cyllid fydd rhai eitemau penodol yn eu cael neu fod cyfyngiadau ariannol.

Cofiwch: Nid yw’r lefelau cyllid wedi’u gwarantu a byddant yn cael eu penderfynu’n unigol ar gyfer pob cais.



Dyma fwy o wybodaeth am gyfyngiadau ariannol.

Angen help?

Rydyn ni yma i'ch cefnogi chi. Os oes gennych chi unrhyw gwestiynau neu os ydych chi eisiau help, fe allwch chi gysylltu â ni:

• E-bost:[javascript protected email address]
• Rhif Ffôn: 0300 3003102 (Dydd Llun i ddydd Gwener: 10am - 12:30pm ac 1:15pm - 4pm)