Grantiau i helpu clybiau chwaraeon yng Nghymru i arbed ynni a thorri biliau.
Bydd ceisiadau am y Grant Arbed Ynni yn agor am 10am ar ddydd Mercher 21ain Mai 2025.
Grant Arbed Ynni
Beth yw’r Grant Arbed Ynni?
Mae'r Grant Arbed Ynni yn helpu clybiau chwaraeon yng Nghymru i wneud gwelliannau sy'n lleihau costau ynni ac yn gwneud eu hadeiladau'n fwy effeithlon.
Gallwch wneud cais am hyd at £25,000 i wella eich clwb neu eich ystafelloedd newid a lleihau eich costau rhedeg.
Ar gyfer beth allwch chi gael cyllid?
Gallwch wneud cais am gyllid ar gyfer y canlynol:
- Paneli solar a batris storio
- Inswleiddio (waliau, toeau, ac ati)
- Ffenestri a drysau newydd
- Goleuadau (heb gynnwys llifoleuadau na goleuadau ar gyfer ardaloedd chwarae)
- Systemau gwresogi a dŵr poeth gwell (nid at ddibenion arlwyo yn unig)
- Systemau dŵr cynaliadwy (e.e. cynaeafu dŵr glaw / tyllau turio)
Eisiau cyllid ar gyfer rhywbeth arall? Edrychwch ar ein grantiau eraill.
Pryd allwch chi wneud cais?
Mae’r ceisiadau'n agor ar ddydd Mercher 21ain Mai, 2025 am 10am. Cyflwynwch Fynegiant o Ddiddordeb cyn gynted â phosibl a chewch eich gwahodd i Gam 1 y cais.
Cam 1
Dywedwch wrthym ni am eich clwb, pa welliannau rydych chi eisiau eu gwneud, a faint o gyllid sydd arnoch chi ei angen.
- Agor: Dydd Mercher 21ain Mai,10am
- Cau: Dydd Mercher 25ain Mehefin, 3pm
Cam 2
Os cewch eich gwahodd, cwblhewch eich cais. Bydd arnoch chi angen arolwg ynni i’ch arwain chi o ran beth rydych chi angen cyllid ar ei gyfer.
- Agor: Dydd Mercher 16eg Gorffennaf, 10am
- Cau: Dydd Mercher 1af Hydref, 3pm
Os na fydd eich cais yn llwyddiannus yn y cam yma, bydd Chwaraeon Cymru yn talu 50% o gost eich arolwg ynni.
Pwy all wneud cais?
Gallwch wneud cais os yw’r canlynol yn berthnasol:
- Rydych chi'n glwb chwaraeon neu'n grŵp cymunedol nid er elw yng Nghymru
- Rydych chi'n berchen ar eich adeilad neu mae gennych chi o leiaf 7 mlynedd ar ôl ar eich prydles
- Nid yw eich prosiect wedi dechrau eto
- Gallwch chi ddechrau'r prosiect erbyn 31 Mawrth 2026
- Gallwch chi ei orffen o fewn 12 mis i gael y grant
- Gallwch chi dalu o leiaf 20% o gostau'r prosiect (mae hyn yn cynnwys yr arolwg ynni)
Sut i wneud cais?
- Cwblhewch y ffurflen Mynegi Diddordeb cyn gynted â phosibl
- Cael ymateb o fewn 2 ddiwrnod gwaith
- Cwblhewch eich ffurflen gais Cam 1 erbyn 25 Mehefin 2025
- Os cewch wahoddiad, archebwch a chwblhewch arolwg ynni. Byddwn yn eich helpu gyda hyn.
- Defnyddiwch eich arolwg i helpu i arwain eich cais
- Cwblhewch eich cais llawn erbyn 1 Hydref 2025
Gallwch wneud cais yn y Gymraeg neu yn Saesneg – bydd y ddwy iaith yn cael eu trin yn gyfartal.
Darllenwch ein telerau ac amodau ar gyfer grantiau cyn gwneud cais.
Sut mae cyllid yn cael ei ddyfarnu?
- Grantiau hyd at £25,000
- Bydd y ceisiadau gyda'r effaith fwyaf yn cael blaenoriaeth.
- Rhaid i'ch clwb dalu o leiaf 20% o gyfanswm y gost (gan gynnwys cost yr arolwg ynni)
Angen help?
Rydyn ni yma i'ch cefnogi chi. Os oes gennych chi unrhyw gwestiynau neu os oes arnoch chi angen help, gallwch gysylltu â ni:
E-bost: energy@sport.wales
Rhif Ffôn: 0300 3003102 (Llun - Gwener: 10am - 12:30pm a 1:15pm – 4pm)
Ceisiadau Presennol: Mewngofnodwch i gael mynediad i’ch cais.
Beth mae clybiau chwaraeon yng Nghymru yn ei ddweud am y Grant Arbed Ynni?
Dyma rai o brofiadau a chyngor y clybiau sydd wedi…
Grant Arbed Ynni - Cwestiynau Cyffredin
Dyma'r Cwestiynau Cyffredin am wneud cais am y Grant…
Ein cronfeydd eraill
Cronfa Cymru Actif
Mae Cronfa Cymru Actif ar agor tan Ddydd Mercher 4ydd…
Lle i Chwaraeon - Crowdfunder
Mynnwch hyd at £15,000 i wella eich cyfleuster chwaraeon…