Mae StreetGames yn ffrwyno pŵer chwaraeon i greu newid cadarnhaol ym mywydau pobl ifanc ddifreintiedig ledled y DU. Mae gwaith StreetGames yn helpu i wneud pobl ifanc a'u cymunedau yn iachach, yn fwy diogel ac yn fwy llwyddiannus.
Beth yw prif amcanion StreetGames?
Cenhadaeth StreetGames yw defnyddio pŵer chwaraeon a gweithgarwch corfforol i wella bywydau pob plentyn a pherson ifanc difreintiedig yng Nghymru a'r cymunedau maent yn byw ynddynt.
Sut mae gwaith StreetGames yn helpu Chwaraeon Cymru i greu Cenedl Actif?
Mae Chwaraeon Cymru eisiau i BAWB yng Nghymru elwa o gymryd rhan mewn chwaraeon a mwynhau cymryd rhan ynddynt. Mae gwaith StreetGames yn ein helpu i gyflawni hyn drwy fynd i'r afael â'r lefel uchel o anghydraddoldeb rhwng y tlotaf a'r cyfoethocaf.
Maent yn cefnogi sefydliadau cymunedol y gellir ymddiried ynddynt yn lleol sy'n gweithio gyda phlant difreintiedig a gyda phobl ifanc a'u teuluoedd sy'n byw mewn ardaloedd difreintiedig ledled Cymru. Mae pob Awdurdod Lleol ledled Cymru wedi sefydlu perthynas gyda StreetGames i'w galluogi i weithio yn yr ardaloedd 'anodd eu cyrraedd' hynny.
Sut gall StreetGames gefnogi’r rhwydwaith ehangach o bartneriaid yn ein Gweledigaeth unedig ar gyfer Chwaraeon?
Gall sefydliadau eraill gael eu cefnogi gan StreetGames drwy ganiatáu iddynt gael mynediad i'w rhwydwaith o sefydliadau y gellir ymddiried ynddynt yn lleol sydd wedi cyrraedd cymunedau ac ardaloedd difreintiedig.
Academi hyfforddi arobryn StreetGames a'r gronfa o diwtoriaid arbenigol sy'n gallu cyflwyno gweithdai hyfforddi pwrpasol ac "oddi ar y silff" a chymwysterau ar gyfer sefydliadau a phartneriaid. Gellir darparu llawer o'r cyrsiau hyfforddi hyn ar-lein hefyd. Mae'r hyfforddiant yn amrywio o weithdai Ysgogwr ymarferol i sesiynau theori sy'n ymwneud ag iechyd meddwl a newid ymddygiad, a chymwysterau chwaraeon ac iechyd.
